سوۆەتحان عابباسوۆ: قازىر ۇلتتىق يدەولوگياعا باسا ءمان بەرۋ كەرەك
« بۇگىن كوتەرىلىپ وتىرعان ماسەلە بويىنشا ناقتى ۇسىنىستاردى ايتقىم كەلەدى. ول - قوعامدى جوندەپ، ادامدى تۇزەۋ ءۇشىن يدەولوگياعا ءمان بەرۋ كەرەك. ءۇش ءجۇز جىلدىق بوداندىق پەن 70 جىلدىق اتەيستىك قوعامنان وتتىك. ۇلتتىق يدەولوگيا جاسالماي ۇلتتىق ماسەلەلەردى شەشۋ مۇمكىن ەمەس. سوندىقتان ۇلتتىق يدەولوگيانىڭ مازمۇنىنا باسا ءمان بەرۋ كەرەك»، - دەدى سوۆەتحان عابباسوۆ « وتباسى كۇنى» اياسىندا ۇلتتىق تاربيە بەرۋ مەن وتباسى قۇندىلىقتارىن دامىتۋ ماسەلەلەرى تالقىلانعان « دوڭگەلەك ۇستەل» بارىسىندا.
پروفەسسوردىڭ ايتۋىنشا، حالىقتىڭ بايلىعى دا، تىلەگى دە - ۇرپاعى. ۇرپاق تاربيەسىنە قازىر قازاق قانا ەمەس، بۇكىل الەم حالقى باسا نازار اۋدارىپ وتىر. « ادامزاتتى ءتان- تاربيەسىنەن باسقا ۇرپاققا ەشتەڭە بەرە الماي تۇر. ادامنىڭ ءمانى جانىندا. ۇلتتىق يدەولوگيا جاسالماي مەملەكەت تە بولمايدى. ۇلتتىق يدەولوگياسىز مەملەكەت - مۇحيتتا ەسكەكسىز جۇرگەن قايىق ىسپەتتەس. ونىڭ سوعىلار جەرى - جاعاداعى جارتاس. مىنە قازىر ۇرپاعىمىزبەن وسى جارتاسقا سوعىلىپ جاتقان حالىقتىڭ ءبىرىمىز. سوندىقتان ەڭ ءبىرىنشى بۇگىنگىدەي جيىننىڭ، تالقىلاۋدىڭ وتكىزىلىپ وتىرعانىنا العىس ايتامىن»، - دەگەن ول ۇلتتىق يدەولوگيانىڭ قۇرىلىمىن قالىپتاستىرۋعا اتسالىسۋعا دايىن ەكەنىن ءمالىم ەتتى.
اۆتور: ايان بەكەن ۇلى
