ەلوردادا وتباسى كۇنىنە وراي قانداي شارالار وتەدى
ەلوردا تۇرعىندارى مەن قوناقتارى ءۇشىن بۇل كۇنى تەاترلار مەن مۇراجايلار ءبىرقاتار ءىس-شارالارىن ۇسىنادى، ال كىتاپحانالار مەرەكە قارساڭىندا كونكۋرستار، چەللەندجدەر مەن سەمينارلار وتكىزەدى.
ءىس-شارالار ونلاين- فورماتپەن قاتار، سانيتاريا تالاپتارىن قاتاڭ ساقتاي وتىرىپ، وفلاين دا وتكىزىلەدى، دەپ حابارلايدى قازاقپارات نۇر- سۇلتان قالاسىنىڭ ىشكى ساياسات دەپارتامەنتىنە سىلتەمە جاساپ.
13-قىركۇيەك كۇنى تاۋەلسىزدىك سارايىندا Nur Otan پارتياسىنىڭ قالالىق فيليالى مەن نۇر- سۇلتان قالاسى ءبىلىم باسقارماسىنىڭ قولداۋىمەن BILIM فوتوكورمەسى ۇيىمداستىرىلادى. وندا «اقانايەۆتار اۋلەتى» كورمەسى ءوتىپ، وندا «مەنىڭ زامانداستارىم» اتتى جانرلىق پورترەتتەر توپتاماسى كورسەتىلەدى.
وعان رەسپۋبليكانىڭ ءبىلىم، مادەنيەت جانە بەينەلەۋ ونەرى سالاسىنداعى تانىمال قايراتكەرلەرىنىڭ 20-دان استام سۋرەت- پورترەتتەرى قويىلادى. سونداي-اق، كەلۋشىلەر شاراعا «كەڭىستىكتەگى قوزعالىس» كوركەم كورمەسىن، «ونەر قارلىعاشتارى» بالالار كورمەسىن جانە اباي قۇنانبايەۆتىڭ 175 جىلدىعىنا ارنالعان كورمەنى تاماشالاي الادى.
«كورمەلەرگە كىرەتىن ادامدار سانى شەكتەۋلى. بارلىق سانيتارلىق- گيگيەنالىق نورمالاردى ساقتاي وتىرىپ، وننان استام ادام عانا قاتىسا الادى»، - دەپ ءتۇسىندىردى مادەنيەت باسقارماسىنىڭ وكىلدەرى. Nomad City Hall تەاترى 13-قىركۇيەكتە تەاتردىڭ وتباسىلىق جۇپتاردان قۇرالعان ارتىستەرى مۋزىكالىق قۇتتىقتاۋلارىمەن قالا تۇرعىندارىن قۇتتىقتايدى.
ساكەن سەيفۋللين مۇراجايى 13-قىركۇيەكتە الەۋمەتتىك جەلىلەردە «وتان - وتباسىنان باستالادى» اتتى ونلاين- ءدارىسىن وتكىزەدى. ساراپشىلار وتباسىلىق قۇندىلىقتاردى ساقتاۋ جانە نىعايتۋ تۋرالى اڭگىمەلەيدى. 13-قىركۇيەكتە «الجير» مەموريالدى- مۇراجاي كەشەنى الەۋمەتتىك جەلىلەردە «وتباسى - باقىت مەكەنى» اتتى سلايدتار مەن كورمە ۇسىنادى.
م. گوركي اتىنداعى مەملەكەتتىك دراما تەاتر 13-قىركۇيەكتە دانيل حومكو مەن پولينا حارلاموۆامەن «دانيا +پوليا» تىكەلەي ەفيرگە شىعادى جانە «ۆالەنتين كۇنى» قويىلىمى كوپشىلىككە كورسەتىلەدى.
نۇر-سۇلتان قالاسى اكىمدىگىنىڭ قۋىرشاق تەاترى «ۆولشەبنىە سلوۆا» ونلاين- سپەكتاكلىن كورسەتەدى. 13-قىركۇيەكتەگى شارالاردان باسقا، قالا تۇرعىندارى اپتا بويى مەرەكەگە ارنالعان ءىس- شارالارعا قاتىسا الادى.
11-قىركۇيەكتە № 5-بالالار كىتاپحاناسىندا «وتباسى - شاعىن مەملەكەت» وتباسىلىق ونلاين جارىسى وتەدى. 11-قىركۇيەك كۇنى №8-بالالار كىتاپحاناسىندا «بەرەگي، موي درۋگ، سەميۋ - كرەپوست گلاۆنۋيۋ تۆويۋ» تاقىرىبىندا ونلاين ءدارىس وتەدى. 14-قىركۇيەكتە «وتباسى - ءومىر ايناسى» ونلاين ساباقتارى № 4 جانە 12-كىتاپحانالاردا وتەدى.
بەيبىتشىلىك جانە كەلىسىم سارايى 11-قىركۇيەكتە «وتباسى كۇنىن» وتكىزەدى. نيەت بىلدىرۋشىلەر «وتباسى كۇنى مەرەكەسىنىڭ شىعۋ تاريحى» ەكسكۋرسيالىق سەكتورىنىڭ تانىمدىق ساعاتىنا بارىپ، «مەن جانە مەنىڭ وتباسىم» بايقاۋىنا قاتىسا الادى.
«تۋعان جەر» ستۋدياسىنىڭ بالالار حورى «بەيبىت ءومىر سىزدەرگە» ءانىن ورىندايدى. 28 -قىركۇيەكتە «ناز» مەملەكەتتىك بي تەاترى الەۋمەتتىك جەلىدە «ۆرەميا - جيزن» حورەوگرافيالىق قويىلىمىن كورسەتەدى. وتباسى كۇنىن مەرەكەلەۋ قارساڭىندا، نۇر-سۇلتان قالاسى ىشكى ساياسات باسقارماسى 11-قىركۇيەكتە وتباسى ينستيتۋتىن نىعايتۋعا، ونىڭ بەدەلىن ارتتىرۋعا، نەكەنىڭ ۇلتتىق قۇندىلىقتارىن ناسيحاتتاۋعا، ۇرپاقتاردىڭ الەۋمەتتىك جانە مادەني ساباقتاستىعىن قامتاماسىز ەتۋگە باعىتتالعان «باقىتتى وتباسى - مەملەكەتتىڭ نەگىزى» فورۋمىن وتكىزەدى.
12-قىركۇيەكتە ساعات 10:00 دەن 13:00 گە دەيىن نۇر-سۇلتان قالاسىنىڭ ازاماتتىق باستامالار ورتالىعىندا (اۋەزوۆ، 19) تەگىن پسيحولوگيالىق جانە قۇقىقتىق كەڭەس ۇيىمداستىرىلادى. سونىمەن قاتار، تۇرمىستىق زورلىق- زومبىلىق قۇرباندارىنا كومەك كورسەتۋ ماسەلەلەرى بويىنشا دوڭگەلەك ۇستەل وتەدى. م. وتەمىسوۆ اتىنداعى وقۋشىلار سارايى «باقىت تۇمارى - مەنىڭ وتباسىم!» وتباسىلىق demo-كۇنىن وتكىزەدى. ءال-فارابي اتىنداعى وقۋشىلار سارايى «شوقجۇلدىز» مارافونىن باستايدى. ۆوكال بويىنشا تانىمال تۇلعالار ZOOM پلاتفورماسىنىڭ كومەگىمەن اتا- انالارمەن ونلاين رەجيمدە سۇحباتتاسىپ، ءان ايتادى. بەلسەندى وتباسىلار العىس حاتتارمەن ماراپاتتالادى.
