پاۆلوداردا جوعارى جىلدامدىقپەن كەلە جاتقان كولىك جۇرگىزۋشىسى ماس بولىپ شىقتى

پاۆلودار. قازاقپارات - پاۆلودارلىق پوليتسەيلەر ىشىمدىككە تويىپ الىپ جۇيتكىگەن ماس جۇرگىزۋشىنى ىزىنەن قۋىپ جەتىپ ۇستادى، دەپ حابارلايدى رavlodarnews.kz.

اۋىل تۇرعىنىنا قاتىستى ق ر ا ق ب ت ك-نىڭ 608 جانە 612-باپتارى بويىنشا اكىمشىلىك ءىس قوزعالىپ، اۆتوكولىك ايىپپۇل تۇراعىنا قويىلدى. – 10-قىركۇيەك كۇنى ساعات 17.45 مينۋت شاماسىندا وبلىستىق دەپارتامەنتتىڭ پاترۋلدىك پوليتسيا روتاسىنىڭ ەكيپاجى اعا لەيتەنانتتار جانداۋلەت رامازانوۆ پەن اليشەر لاتيپوۆ ومبى تاس جولىندا، دوستىق كەنتىنىڭ ماڭىندا جوعارى جىلدامدىقپەن جۇيتكىپ كەلە جاتقان «ۆاز 2107» اۆتوكولىگىن بايقاعان.

جۇرگىزۋشى پوليتسيانىڭ «توقتا» دەگەن تالاپتارىن ەلەمەي ودان سايىن جىلدامدىقتى قوسىپ، پاۆلودار قالاسىنا قاراي جۇيتكىگەن. مۇنداي جاعدايدا كۇتۋگە بولمايتىن ەدى. سەبەبى، ۇلكەن جىلدامدىقپەن قوزعالاتىن كولىكتەن زارداپ شەگۋ قاۋپى بولدى. ەكىنشى اۆتوپاترۋل دەرەۋ ونىڭ سوڭىنا ءتۇستى. كولىك ميچۋرين اۋىلىنىڭ ماڭىندا ۇستالدى، - دەيدى پوليتسيا پولكوۆنيگى، دەپارتامەنت باستىعى نۇرلان ءماسىموۆ.

الكوگولگە تويىپ العان 30 جاستاعى اۋىل تۇرعىنى سەرۋەندەۋگە بەل بۋىپ، اكەسىنىڭ كولىگىن ءمىنىپ كەتكەنى انىقتالدى. بۇعان قوسا، ونىڭ ەشقاشان كولىك قۇرالىن باسقارۋعا قۇقىعى بولماعان. ماتەريالدار سوتقا شەشىم قابىلداۋ ءۇشىن جىبەرىلدى.

ايتا كەتەرلىگى، 2020 -جىلدىڭ باسىنان بەرى پاۆلودار وبلىسىندا ماس جۇرگىزۋشىلەر جاساعان 14 جول-كولىك وقيعاسى تىركەلىپ، سالدارىنان 2 ادام كوز جۇمعان جانە 19 ى جاراقات الدى. سونداي-اق پوليتسيا 734 جۇرگىزۋشىنى ماس كۇيىندە كولىك رۋلىنە وتىرعانى ءۇشىن ۇستاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى