اتىراۋدا پەرزەنتحانادان كوروناۆيرۋسپەن اۋىرعان سوڭعى ناۋقاس جازىلىپ شىقتى

وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، قازىر اتالعان ورتالىقتان اشىلعان پروۆيزورلىق ستاتسيونار بوس تۇر.

ماۋسىمدا ورتالىقتىڭ پروۆيزورلىق ستاتسيونارىندا كورونوۆيرۋس سيمپتومىمەن 50 دەن استام جۇكتى ايەل جاتقان.

«نەگىزىنەن 50 ورىنعا شاقتالعان پروۆيزورلىق ستاتسيونار ماۋسىم-شىلدە ايلارىندا مۇلدە بوسامادى. سوڭعى ايدا جاعداي جاقسارىپ كەلەدى. كورونوۆيرۋس سيمپتومىمەن ءتۇسىپ جاتقان جۇكتى ايەلدەر جوق. الدا كوپتەگەن ۆيرۋستىڭ ءورشيتىن كۇز-قىس مەزگىلى كەلە جاتىر. سوندىقتان ءالى دە سانيتارلىق ەرەجەلەردى قاتاڭ ساقتاۋ كەرەك»، - دەيدى وبلىستىق پەريناتالدىق ورتالىق ديرەكتورىنىڭ ەمدەۋ ءىسى جونىندەگى ورىنباسارى قازبەك ەرماعامبەتوۆ.

9- قىركۇيەكتەگى مالىمەت بويىنشا، اتىراۋ وبلىستىق پەريناتالدىق ورتالىعىنا 153 ايەل تۇسكەن. ونىڭ 87 ءسى - بوسانعان ايەلدەر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى