الماتىدا مەديتسينا ماماندىعىنا سۇرانىس ارتقان

بۇل تۋرالى الماتى جوعارعى مەديتسينالىق كوللەدجىنىڭ ديرەكتورى سۆەتلانا سۇلتانعازيەۆا ايتتى، دەپ حابارلايدى قازاقپارات ءتىلشىسى.

«ءبىزدىڭ باقىلاۋىمىزشا، مەديتسينالىق ماماندىقتارعا سۇرانىس ارتقان. سەبەبى، ابيتۋريەنتتەر سانى كوبەيىپ وتىر. 1500 جۋىق ادام قۇجات تاپسىرعان. قۇجاتتاردى قابىلداۋ 2020 -جىلدىڭ 20 -ماۋسىمىنان باستاپ ونلاين جۇرگىزىلدى»، - دەدى سۆەتلانا سۇلتانعازيەۆا.

مامان مۇنداي ءۇردىستى زاڭدىلىق دەپ باعالاپ وتىر. سەبەبى، كوروناۆيرۋسپەن كۇرەستە الدىڭعى قاتارعا مەديتسينا كادرلارى جۇمىلدىرىلعان بولاتىن.

«ەپيدەميانىڭ شارىقتاۋ شەگىندە ستاتسيونارلاردا 4500 مەديتسينا قىزمەتكەرى جۇمىس ىستەگەن. دارىگەرلەر، مەدبيكەلەر، زەرتحاناشىلار. بۇل جۇمىسشىلاردىڭ بارلىعى باتىرلار دەسەك تە بولادى»، - دەدى ول. سونداي-اق، مەديتسينا ماماندارىنا سۇرانىس جاسىنا قاراي دا ارتقانىن ايتا كەتۋ كەرەك. بيىل ابيتۋريەنتتەردىڭ جاسى 54 كە جەتتى. مەدبيكە ءىسى ماماندىعىنا 482 ادام (%56,3) تاپسىرعان.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى