قازاقستاندا وڭدەۋ ونەركاسىبى دامىپ كەلەدى

«جالپى ونەركاسىپ ءوندىرىسى 0,4 پايىز ءوستى. بۇل ءوسۋ وڭدەۋ ونەركاسىبىنىڭ 3,3 پايىز ارتۋى ەسەبىنەن بولدى. ال كەن ءوندىرۋ ونەركاسىبى 1,5 پايىز تومەندەدى. ونەركاسىپ بويىنشا ءوسىم كوپتەگەن وڭىرلەردە بايقالادى. ەڭ جوعارى ءوسىمدى قوستاناي (7,2 پايىز)، سولتۇستىك قازاقستان (6,8 پايىز) وبلىستارى مەن نۇر-سۇلتان قالاسى (5,5 پايىز) كورسەتتى»، - دەدى مينيستر ۇكىمەت وتىرىسىندا.

تاعى 5 وڭىردە ونەركاسىپتىڭ تومەندەۋى بايقالعان. ولار - قىزىلوردا (-11,5 پايىز)، ماڭعىستاۋ (-5,9 پايىز)، اقتوبە (-2,9 پايىز)، شىعىس قازاقستان (-1,5 پايىز) وبلىستارى جانە شىمكەنت قالاسى (-1,8 پايىز).

«وڭدەۋ ونەركاسىبى 3,3 پايىز- كە ءوستى. ءوسۋدىڭ جوعارى قارقىنىن فارماتسيەۆتيكا، دايىن مەتال بۇيىمدارى، ماشينا جاساۋ، ونىڭ ىشىندە اۆتوموبيلدەر جانە جەڭىل ونەركاسىپ سالاسى كورسەتىپ وتىر.

وڭىرلەر بويىنشا جوعارى ءوسىم قوستاناي (19,9 پايىز)، تۇركىستان (14,4 پايىز)، سولتۇستىك قازاقستان (7,8 پايىز) وبلىستارىندا بايقالادى.

4 وڭىردە تومەندەۋ تىركەلدى. ولار - اقتوبە (-4,9 پايىز)، باتىس قازاقستان (-1,2 پايىز) جانە شىعىس قازاقستان (-0,7 پايىز) وبلىستارى جانە شىمكەنت قالاسى (-1,8 پايىز)»، - دەدى ر. دالەنوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى