قازاقستاندىقتار قاي ەلدەرگە كەدەرگىسىز ۇشىپ بارا الادى؟

«قازاقستان اۋماعىندا كوروناۆيرۋس ينفەكتسياسىنىڭ پايدا بولۋى مەن تارالۋىن بولدىرماۋ جونىندەگى ۆەدومستۆوارالىق كوميسسيانىڭ 2020-جىلعى 18- تامىزداعى حاتتاماسىنا قوسىمشا بەرىلگەن قۇجات بار.

ول «ق ر مەملەكەتتىك شەكاراسىنان 2020-جىلعى 11- مامىردان باستاپ كارانتيندىك شەكتەۋلەر كەزەڭىندەگى ءوتۋ ءتارتىبى» قۇجاتى. ونىڭ 2-تارماعىنا سايكەس، ق ر ۇكىمەتىنىڭ شەشىمى بويىنشا تىكەلەي (تۇراقتى، تۋريزم ماقساتىندا تۇراقتى ەمەس چارتەرلىك رەيستەر) اۋە قاتىناسى قايتا ورناتىلعان شەت مەملەكەتتەرگە ق ر ازاماتتارىنىڭ شىعۋلارىنا، سونداي-اق ق ر- عا تىكەلەي (تۇراقتى، تۋريزم ماقساتىندا تۇراقتى ەمەس چارتەرلىك رەيستەر) اۋە قاتىناسى قايتا ورناتىلعان مەملەكەتتەردىڭ ازاماتتارىنا - ۆيزالىق تالاپتاردى ساقتاي وتىرىپ، ەگەر ق ر- نىڭ حالىقارالىق شارتتارىندا وزگەشە ءتارتىپ قاراستىرىلماعان بولسا جانە شەتەلدىك ازامات قازاقستاننىڭ تىكەلەي اۋە قاتىناسىن قايتا ورناتقان جانە تىكەلەي رەيسپەن كەلگەن سول ەلدىڭ ازاماتى بولعان جاعدايدا - قازاقستانعا كىرۋگە رۇقسات بەرىلەدى»، - دەپ جاۋاپ بەردى مينيسترلىكتىڭ باسپا ءسوز قىزمەتى «قازاقپارات» ح ا ا رەسمي ساۋالىنا.

سونىمەن بىرگە شەت مەملەكەتتەردە قازاقستاننان كەلگەن جولاۋشىلارعا سول ەلدىڭ ءوز كارانتيندىك شەكتەۋ شارالارى قولدانىلۋى مۇمكىن. حالىقارالىق جولاۋشىلار رەيستەرىن قالپىنا كەلتىرۋ تۋرالى شەشىم كوميسسيانىڭ شەشىمى مەن ق ر دەنساۋلىق ساقتاۋ مينيسترلىگىنىڭ ۇسىنىمدارىن، سونداي-اق اتالعان ەلدەگى ەپيدەميولوگيالىق جانە كارانتيندىك شارالارعا قاتىستى شەت مەملەكەتتىڭ ساياساتىن ەسكەرە وتىرىپ قابىلدانادى.

«كوميسسيانىڭ 2020-جىلعى 11- ماۋسىمداعى شەشىمىنە سايكەس، 2020-جىلعى 20- ماۋسىمىنان باستاپ تۇركيا، قىتاي، وڭتۇستىك كورەيا، تايلاند، گرۋزيا مەن جاپونيا مەملەكەتتەرىنە حالىقارالىق رەيستەردى جانداندىرۋعا رۇقسات بەرىلگەن. سونىمەن بىرگە، كوميسسيانىڭ 2020-جىلعى 11- تامىزداعى شەشىمىنە سايكەس، 2020-جىلعى 17- تامىزدان باستاپ بىرىككەن اراب امىرلىگى، بەلارۋس رەسپۋبليكاسى، گەرمانيا، نيدەرلاندى، ەگيپەت، ۋكراينا جانە رەسەي فەدەراتسياسىنا حالىقارالىق رەيستەردى ورىنداۋعا رۇقسات بەرىلگەن.

قازىرگى جاعداي بويىنشا 7 مەملەكەتكە (تۇركيا (41 جيىلىك)، وڭتۇستىك كورەيا (2 جيىلىك)، نيدەرلاندى (1 جيىلىك)، ب ءا ا (19 جيىلىك)، بەلارۋس (9 جيىلىك)، گەرمانيا (6 جيىلىك)، ۋكراينا (5 جيىلىك) - اپتاسىنا 83 رەيس جيىلىگىمەن 14 باعىت بويىنشا تۇراقتى حالىقارالىق اۆيارەيس كەزەڭ-كەزەڭىمەن قايتا جاڭارتىلدى»، - دەلىنگەن مينيسترلىكتىڭ جاۋابىندا.

ناقتىراق ايتقاندا تومەندەگى رەيستەر جاندانعان:

- نۇر-سۇلتان - دۋباي - نۇر-سۇلتان (ەير استانا - اپتاسىنا 3 رەت، Fly Dubai - اپتاسىنا 5 رەت)؛

- الماتى - دۋباي - الماتى (ەير استانا - اپتاسىنا 4 رەت، Fly Dubai - اپتاسىنا 7 رەت)؛

- نۇر- سۇلتان - فرانكفۋرت - نۇر-سۇلتان (ەير استانا - اپتاسىنا 5 رەت)؛

- ورال - فرانكفۋرت - ورال (ەير استانا - اپتاسىنا 1 رەت)؛

- نۇر- سۇلتان - مينسك - نۇر-سۇلتان (بەلاۆيا - اپتاسىنا 5 رەت)؛

- الماتى - مينسك - الماتى (بەلاۆيا - اپتاسىنا 4 رەت)؛

- الماتى - كيەۆ - الماتى (ەير استانا - اپتاسىنا 5 رەت)؛

- الماتى - سەۋل - الماتى (ەير استانا - اپتاسىنا 1 رەت، Asiana Airlines - اپتاسىنا 1 رەت)؛

- اتىراۋ - امستەردام - اتىراۋ (ەير استانا - اپتاسىنا 1 رەت)؛

- الماتى - ىستامبۇل - الماتى (ەير استانا - اپتاسىنا 9 رەت، Turkish Airlines - اپتاسىنا 2 رەت، Pegasus - اپتاسىنا 3 رەت).

- نۇر-سۇلتان - ىستانبۇل - نۇر-سۇلتان (ەير استانا - اپتاسىنا 5 رەت، Turkish Airlines - اپتاسىنا 2 رەت)؛

- الماتى - انتاليا - الماتى (ەير استانا - اپتاسىنا 7 رەت)؛

- نۇر-سۇلتان - انتاليا - نۇر-سۇلتان (ەير استانا - اپتاسىنا 7 رەت، Turkish Airlines - اپتاسىنا 4 رەت)؛

- اتىراۋ - ىستانبۇل - اتىراۋ (ەير استانا - اپتاسىنا 2 رەت).

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى