مادەنيەت مينيسترلىگىنىڭ ءتىل ساياساتى كوميتەتىنە جاڭا باسشى تاعايىندالدى

ق ر مادەنيەت جانە سپورت ءمينيسترىنىڭ بۇيرىعىمەن ادىلبەك كۇنەسحان ۇلى قابايەۆ ق ر مادەنيەت جانە سپورت مينيسترلىگىنىڭ ءتىل ساياساتى كوميتەتىنىڭ ءتوراعاسى قىزمەتىنە تاعايىندالدى.

ادىلبەك قابايەۆ 1963 -جىلى الماتى وبلىسىندا دۇنيەگە كەلگەن. 1989 -جىلى قازاق مەملەكەتتىك ۋنيۆەرسيتەتىن، 2011 -جىلى تاراز مەملەكەتتىك ۋنيۆەرسيتەتىن ءتامامداعان. ءار جىلدارى «اراي- زاريا» جۋرنالىندا، «لەنينشىل جاس»، «جاس الاش»، «ايقىن» گازەتتەرىندە كوررەكتور، ءتىلشى، جاۋاپتى حاتشى، باس رەداكتوردىڭ ورىنباسارى، رەداكتور بولىپ جۇمىس ىستەگەن.

2009-2012 -جىلدارى ق ر باس پروكۋرورى اپپاراتىنىڭ ءتىل ساياساتى جانە اقپارات باسقارماسى باسشىسىنىڭ م. ا. ، باسشىسى، ق ر باس پروكۋرورىنىڭ اعا كومەكشىسى، ق ر باس پروكۋرورى اپپاراتىنىڭ مەديا- ورتالىعىنىڭ باسشىسى، باسپا ءسوز قىزمەتىنىڭ باسشىسى بولدى.

2012-2020 -جىلدارى – ق ر پارلامەنتى سەناتى باسپا ءسوز قىزمەتىنىڭ باسشىسىنىڭ ورىنباسارى، باسشىسى. 2020 -جىلعى قاڭتاردان باستاپ قازىرگى تاڭعا دەيىن قازاقستان رەسپۋبليكاسى مادەنيەت جانە سپورت مينيسترلىگىنىڭ ءتىل ساياساتى كوميتەتى ءتوراعاسىنىڭ ورىنباسارى قىزمەتىن اتقاردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى