مال حالىقتىڭ بايلىعى ەمەس، تىرشىلىك كوزى - باس پروكۋروردىڭ ورىنباسارى

«اۋىر قىلمىستاردىڭ ءبىرى - مال ۇرلىعى. پرەزيدەنت بۇل ماسەلەگە ەرەكشە كوڭىل ءبولىپ وتىر. مال بۇگىندە حالىقتىڭ بايلىعى ەمەس، ول قاشاندا تىرشىلىكتىڭ كوزى. قازاق امانداسقاندا الدىمەن «مال-جان امان با؟» دەپ سۇرايدى. ونىڭ ماعىناسى زور. سەبەبى قاراپايىم قازاق ازداعان مالىمەن جان باعىپ وتىر. سوڭعى جىلدارى مال ۇرلىعى كاسىپكە اينالىپ، ۇيىمداسقان قىلمىس ءتۇرى بولىپ كەتتى. سوندىقتان قىلمىستىق كودەكسكە «مال ۇرلاۋ» دەگەن جەكە باپ قوستىق. ول ناتيجەسىن بەرۋدە. قازىرگى كۇنى مال ۇرلىعى 24 پايىزعا ازايىپ وتىر»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ ايتۋىنشا، جازانىڭ اۋىرلاتىلۋى جانە تاتۋلاسۋعا تىيىم سالۋ ۇرلىققا مىقتى توسقاۋىل بولدى.

«ماسەلەن، وسى جىلدىڭ مامىرىندا تۇركىستان وبلىسىندا مال ۇرلىعىمەن اينالىسقان 5 ادامنان تۇراتىن قىلمىستىق توپ ۇستالدى. ولار 200 گە جۋىق ءىرى قارانى ۇرلاپ، اۋىل ادامدارىنا ميلليونداعان شىعىن كەلتىردى. 1-قىركۇيەكتە مال ۇرلىعى تۋرالى جاڭا باپپەن وسى 5 ادامنىڭ ءارقايسىسىن 8 جىلعا باس بوستاندىعىنان ايىردى»، - دەدى مارات احمەتجانوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى