كوستا- ريكا عالىمدارى: جىلقىنىڭ انتيدەنەلەرى - كوروناۆيرۋسقا ەم

ءبىراز ۋاقىت بۇرىن جىلقىلارعا COVID-19 تۋدىراتىن SARS- Cov-2 ۆيرۋسى ەگىلگەن بولاتىن، دەپ حابارلايدى قازاقپارات NY Post-قا سىلتەمە جاساپ.

قىركۇيەك ايىنىڭ ورتاسىنان باستاپ جىلقى انتيدەنەلەرىنە نەگىزدەلگەن ءدارى- دارمەك 26 پاتسيەنتكە سىنالادى، دەپ حابارلادى قوعامدىق دەنساۋلىق ساقتاۋ ورتالىقتارىن باسقاراتىن الەۋمەتتىك ساقتاندىرۋ قورىنىڭ پرەزيدەنتى رومان ماكايا.

ءدارى- دارمەكتى كوستا- ريكا ۋنيۆەرسيتەتىنىڭ كلودوميرو پيكادو ينستيتۋتى (ICP) ازىرلەگەن بولاتىن. كوستا- ريكا بيلىگى زەرتتەۋدىڭ ەكىنشى بولىگىنىڭ ناتيجەسى جاقسى بولسا، ءدارى- دارمەكتى اۋرۋحانالاردا كەڭىنەن قولدانۋعا ۇمىتتەنەدى. بۇگىنگى تاڭدا كوستا- ريكادا كوروناۆيرۋسپەن اۋىراتىن 471 ناۋقاس اۋرۋحاناعا جاتقىزىلدى.

«ۆاكسينا قانشاما ادام ءومىرىن قۇتقارا الاتىندىعىن ماقتان تۇتامىز، - دەيدى البەرتو الاپە، جوبا ۇيلەستىرۋشىسى. - ءبىز مۇنى ءوز رەسۋرستارىمىزدىڭ كومەگىمەن، كەزەكتە تۇرماي نەمەسە باسقا ەلدەرمەن باسەكەلەسپەي- اق جاسايمىز».

مۇنداي زەرتتەۋلەر، سونداي- اق، ارگەنتينادا جانە برازيليادا ءجۇرىپ جاتىر. ال بۇل ۋاقىتتا بەلگيالىق عالىمدار جىلقىنىڭ ورنىنا لامالاردى پايدالانۋدا. بۇل زەرتتەۋلەر ناتيجە كورسەتىپ جاتسا، كوستا- ريكا عالىمدارى ورتالىق امەريكانىڭ كەدەي ەلدەرىمەن وسى ارزان ەمدىك تۇرىمەن بولىسۋگە دايىن ەكەندەرىن جەتكىزدى. «ءبىز پاندەميا كەزىندەگى ءال- اۋقاتىمىز كورشىلەرىمىزدىڭ ءال- اۋقاتىمەن بايلانىستى ەكەنىن تۇسىنەمىز»، - دەدى الاپە.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى