ەلىمىزدە قۇس ەتى ءوندىرىسىنىڭ كولەمى ارتتى
بۇل تۋرالى قازاقپارات ءتىلشىسى energyprom.kz سايتىنا سىلتەمە جاساپ حابارلايدى.
2020 -جىلدىڭ قاڭتار- شىلدە ايلارىندا جاڭا سويىلعان نەمەسە سالقىنداتىلعان قۇس ەتىنىڭ ءوندىرىسى 60,5 تونناعا ءوستى. بۇل وتكەن جىلمەن سالىستىرعاندا بىردەن 26,2 پايىزعا جوعارى. قاتىرىلعان قۇس ەتىنىڭ ءوندىرىسى دە ءوستى - 8,9 پايىز (66,5 مىڭ تونناعا دەيىن) . اق ەت ءوندىرىسىنىڭ ەڭ كوپ كولەمى الماتى، اقمولا جانە شىعىس قازاقستان وبلىستارىندا شىعارىلادى.
مۇندا الماتى وبلىسىنداعى «كازروس- برويلەر» ا ق، اقمولا وبلىسىنداعى «ماكينكا قۇس فابريكاسى» ج ش س جانە شىعىس قازاقستان وبلىسىنداعى «ايتاس- م پ» ج ش س (ەكى كاسىپورىن «ايتاس» كومپانيالار توبىنا كىرەدى)، اقمولا وبلىسىنداعى «Capital Projects LTD» ج ش س («شاڭىراق» بك» جشس ەنشىلەس كومپانياسى) جانە تاعى باسقالارى جۇمىس ىستەيدى.
«ماكينكا قۇس فابريكاسى» اعىمداعى جىلدىڭ سوڭىنا دەيىن وندىرىستىك قۋاتتىلىعىن جىلىنا 25 مىڭنان 50 مىڭعا دەيىن وسىرەدى، دەپ حابارلايدى قر اۋىلشارۋاشىق مينيسترلىگىنەن. يمپورت الماستىرۋ بويىنشا مىندەتتەردى ىسكە اسىرۋ اياسىندا قازاقستاندا 2020 -جىلى 8 ەت فابريكاسى پايدالانۋعا ەنگىزىلەدى. ءبىرىنشى جارتىجىلدىقتا ەكى قۇس فابريكاسى - «شىمكەني قۇس» ج ش س (تۇركىستان وبلىسى) جانە «قازاگروس» كەشەنى (قوستاناي وبلىسى) ىسكە قوسىلعان. قالعان التى فابريكا جىلدىڭ سوڭىنا دەيىن جۇمىس ىستەي باستايدى.
