حراپۋنوۆتار كوپتەگەن زاڭ تالاپتارىن بۇزىپ، دالەلدەردى ادەيى جويعان - نيۋ-يورك سوتى
بۇل تۋرالى ق ر ادىلەت مينيسترلىگىنىڭ رەسمي سايتى حابارلادى.
سۋديا كەترين پاركەر حراپۋنوۆتار كوپتەگەن زاڭدى مىندەتتەمەلەردى بۇزعان، دالەلدەردى ادەيى جويعان جانە كەيبىر دالەلدەردىڭ ءوز قولدارىندا جوقتىعى تۋرالى جالعان جاۋاپ بەرگەن دەگەن قورىتىندىعا كەلدى.
سونداي-اق سوت حراپۋنوۆتاردىڭ وسى ءىس بويىنشا كەيبىر سوت قاۋلىلارىن، سونىڭ ىشىندە يلياس حراپۋنوۆتىڭ قۇپيا ايعاقتاردى رۇقساتسىز تاراتۋعا سالىنعان تىيىمدى بۇزعاندىعىن انىقتادى.
اعىمداعى جىلعى 3- قىركۇيەكتەگى شەشىم سوتتاردىڭ حراپۋنوۆتار مەن ءابىليازوۆقا قاتىستى قۇقىققا قايشى مىنەز-قۇلقى جانە سوت ءوندىرىسىنىڭ ءتارتىبىن بۇزعانى ءۇشىن ايىپپۇلدار تاعايىنداۋ تۋرالى ۇستىمىزدەگى جىلعى مامىر ايىندا جانە 2019-جىلعى شىلدە ايىندا شىعارىلعان قاۋلىلارىنىڭ جالعاسى بولىپ تابىلادى.
بۇل قاتارىنان ساناعاندا بەسىنشى شەشىم. ايىپپۇلدىڭ ناقتى مولشەرى تالاپكەرلەردىڭ وزدەرى جۇمساعان سوت شىعىندارىنىڭ سوماسىن سوتقا ۇسىنعاننان كەيىن بەلگىلەنەدى. قازاقستان رەسپۋبليكاسى ادىلەت مينيسترلىگى (الماتى ق. اكىمدىگىنىڭ اتىنان) «ب ت ا بانك» ا ق- مەن (بۇدان ءارى - تالاپكەرلەر) بىرلەسىپ، ءتورت جىلدان استام ۋاقىت بۇرىن ءابىليازوۆتى، حراپۋنوۆتاردى جانە ولاردىڭ قىلمىستىق سىبايلاستارىن ق ر- دان ۇرلانعان اقشانى ا ق ش- تا جىلىستاتتى دەگەن ايىپپەن نيۋ-يوركتاعى «Flatotel» سوت قاراۋىنا باستاماشىلىق جاساعان.
ءابىليازوۆ جالعان نەسيەلەر بەرۋ ارقىلى ب ت ا- دان ميللياردتاعان دوللار ۇرلاعان. ول ءۇشىن ءابىليازوۆ قازاقستاندا سوتتالىپ، بىرىككەن كورولدىك سوتتارىندا كىنالى دەپ تانىلعان.
ا ق ش- تاعى سوت قاراۋلارى بارىسىندا تالاپكەرلەر ءابىليازوۆتىڭ قىلمىستارىن راستايتىن قوسىمشا ەلەۋلى دالەلدەردى جينادى، سونداي-اق وسى قىلمىستاردىڭ جاسالۋىن ءوز كوزىمەن كورگەن كوپتەگەن كۋالاردىڭ جاۋاپتارىن قامتاماسىز ەتتى.
ق ر ۇكىمەتىنىڭ كونسۋلتانتى - «Boies Schiller Flexner LLP» سەرىكتەسى مەتتيۋ شۆارتس: «تالاپكەرلەر ۇسىنىلىپ جاتقان دالەلدەرگە سوتتىڭ مۇقيات قاراۋىن جوعارى باعالايدى. ءابىليازوۆ، حراپۋنوۆتار جانە ولاردىڭ سىبايلاستارى سوت پروتسەسىندە ادال نيەتپەن قاتىسۋدان بىرنەشە رەت باس تارتىپ، كوپتەگەن سوت قاۋلىلارىنىڭ تالاپتارىن بۇزعان. دالەلدەردىڭ ءبىر بولىگىن قاساقانا جويعاندىقتارىنا قاراماستان، ولاردىڭ جاسالعان قىلمىستارعا قاتىستىلىعىن راستايتىن قۇجاتتار جەتكىلىكتى. تالاپكەرلەر سول دالەلدەردى نيۋ-يورك القابيلەر سوتىنىڭ نازارىنا ۇسىنۋ مۇمكىندىگىن اسىعا كۇتۋدە»، دەپ مالىمدەدى.
