دەنساۋلىق مينيسترلىگى قاتاڭ كارانتينگە تاعى دا ورالۋ بولجامى تۋرالى ايتتى
«قالاي دەگەنمەن قازىرگى ۋاقىتتا دەنساۋلىق ساقتاۋ مينيسترلىگى دە، ۇكىمەت تە بەلگىلى ءبىر تەرىس بولجامعا باعدار جاساپ وتىر. ول قىسقا مەرزىمدى، ۇزاق مەرزىمدى بولادى. ۇزاقمەرزىمدى بولجامدى قاتەلىككە بويالدىرۋ دەڭگەيى وتە جوعارى. سوندىقتان دەنساۋلىق ساقتاۋ مينيسترلىگى قىسقا مەرزىمدى اپتالىق، 15 كۇندىك نەمەسە 10 كۇندىك بولجامعا ارقا سۇيەيدى» ، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، 15 -تامىزدا كارانتين شارالارىن جەڭىلدەتۋ جاعدايى بولدى. ودان كەيىن تامىز ايىنىڭ سوڭىندا تاعى دا كارانتين شارالارى بوساڭسىتىلىپ، بيزنەسمەندەر مەن كاسىپورىندار جۇمىسىنا ورالا باستادى.
«كارانتين شارالارىنىڭ قانداي بولاتىندىعى، ونىڭ كۇشەيتىلەتىندىگى نە بولماسا جەڭىلدەتىلەتىندىگى ءبىزدىڭ قوعامنىڭ تارتىبىنە، ءجۇرىس- تۇرىس ادەبىنە تىكەلەي بايلانىستى ەكەندىگىن اتاپ وتكىم كەلەدى. ءبىز سانيتار دارىگەردىڭ تالاپتارىن مۇلتىكسىز ورىنداپ، ءبىرىنشى كەزەكتە ماسكا تاعۋىمىز، الەۋمەتتىك اراقاشىق ساقتاۋىمىز، جابىق عيماراتتىڭ ىشىندە كوپتەپ جينالماۋىمىز كەرەك. تارتىپكە قالاي باعىناتىندىعىمىزعا بايلانىستى كارانتين شارالارى قاتاڭداتىلىپ نە بولماسا مۇلدەم الىنىپ تاستالۋى مۇمكىن»، - دەدى باعدات قوجاحمەتوۆ.
