ءاسانالى ءاشىموۆ: تاربيە جانە مادەنيەتسىز عىلىم مەن ءبىلىم - قاۋىپتى
«پرەزيدەنت جولداۋىن قايسىمىز قالاي تۇسىندىك؟ ! ءبىز اكتەرلەر سوزدەن گورى ءسوز استارىن كوبىرەك بايقايمىز. پرەزيدەنت جولداۋىندا كۇندە ەستىپ جۇرگەن سوزدەر بولعانمەن، تۇسىنگەن ادامعا استارىندا وتە تەرەڭ ماسەلەلەر ايتىلدى. ەكى ساعات تەلەارنا الدىندا تاپجىلماي تىڭدادىق. ۇلىلاردان سيتاتا كەلتىرگەن ادەمى بايانداما بولدى. مىسالى، احمەت بايتۇرسىن ۇلىنىڭ «ءبىلىمدى بولۋ ءۇشىن وقۋ كەرەك، باي بولۋ ءۇشىن كاسىپكەرلىك كەرەك» دەگەنى. كاسىپ پەن ەڭبەكپەن، ماڭداي تەرمەن تاپقان بايلىق - ەلگە تيەتىن بايلىق. كوررۋپتسيامەن كەلگەن بايلىق - بويعا سىڭبەيتىن، حالىققا ەش پايدا بەرمەيتىن دۇنيە. كۇشتى بولۋ ءۇشىن - بىرلىك كەرەك. مۇندا دا ۇلكەن استار جاتىر»، - دەدى ءاسانالى ءاشىموۆ.
بەلگىلى اكتەر تاربيە جانە مادەنيەتسىز عىلىم مەن ءبىلىمنىڭ قاۋىپتى ەكەندىگىن ايتتى.
«وسىنىڭ بارلىعى مادەنيەتكە كەپ توقتايدى. كوشەدەن دۇرىس ءوتۋ ءۇشىن دە مادەنيەت كەرەك. جولداۋدا كەرەڭ ەستيتىن، مىلقاۋ تۇسىنەتىن ءسوز ايتىلدى. وسى وتىرعان ازاماتتار عالىمدار، ۇكىمەتىمىزگە قولدان كەلگەنشە جاردەم بەرەيىك. وسى جەردە قالىپ قالماسىن»، - دەدى ا. ءاشىموۆ.
ايتا كەتەيىك، 2020 -جىلعى 1-قىركۇيەكتە مەملەكەت باسشىسى قاسىم- جومارت توقايەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جىل سايىنعى ءداستۇرلى جولداۋىن جاريالادى.
