قازاقستان كوروناۆيرۋسقا قارسى رەسەيلىك ۆاكتسينانى ساتىپ الا ما؟
«ءبىزدىڭ تاراپتان كەلىسسوزدەر جۇرگىزىلىپ، ساتىپ الۋ مۇمكىندىگى تۋرالى كەلىسىمگە قول قويىلدى. ءبىراق، بۇل تەك قانا كەلىسىم. قازىرگى ۋاقىتتا كلينيكالىق سىناقتىڭ ءۇشىنشى فازاسىن وتكىزۋدى كۇتىپ وتىرمىز. تاياۋدا عانا رەسەي دەنساۋلىق ساقتاۋ مينيسترلىگىنىڭ باسشىلىعى قاڭتارعا دەيىن سىناقتىڭ ءۇشىنشى فازاسىن وتكىزەتىندىگىن جاريا ەتكەن بولاتىن. سوندىقتان اتالعان كلينيكالىق سىناقتاردى وتكىزۋ، جاناما اسەرلەرىن، جاس ەرەكشەلىكتەرگە بايلانىستى قولدانىلۋىن ەسكەرۋ قاجەت. سودان كەيىن ۆاكتسينا بويىنشا شەشىم قابىلدانادى. بۇل ماسەلەدە ءقازىر ءبىز تاڭداۋ جاساۋ ساتىسىندا تۇرمىز»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، ەڭ باستىسى ۆاكتسينانى دەر ۋاقىتىندا الۋ بولىپ وتىر.
«مۇنداي ۆاكتسينا الىنعاننان كەيىن ەلىمىزدە 2 ميلليونننان استام ادام ەگىلەدى. ەگەر دۇرىس بولسا، بۇل ساندى 10-15 پايىزعا ارتتىرۋعا بولادى»، - دەدى نۇرلىبەك اسىلبەكوۆ.
ەسكە سالايىق، تامىز ايىنىڭ سوڭىندا ق ر پرەمەر- ءمينيسترىنىڭ ورىنباسارى رومان سكليار باستاعان دەلەگاتسيا رەسەيگە جۇمىس ساپارىمەن بارىپ، COVID-19- ا قارسى ر ف عالىمدارى ازىرلەگەن ۆاكتسينانى ساتىپ الۋ جانە قولدانۋ ماسەلەلەرىن تالقىلادى.
