جارتى جىل كارانتين بوسقا كەتتى: ارگەنتينانىڭ كوروناۆيرۋسقا شاماسى كەلمەي جاتىر

كوروناۆيرۋسقا تەست تاپسىرعان ەل تۇرعىندارىنىڭ شامامەن %47 وڭ ناتيجە كورسەتتى. ارگەنتينا ءچيليدى باسىپ وزىپ، ينفەكتسيا جۇقتىرعاندار سانى بويىنشا الەمدە 10-ورىندا تۇر. ەلدە كوروناۆيرۋس ينفەكسياسىنىڭ 417735 جاعدايى تىركەلىپ، ۆيرۋستىڭ سالدارىنان 8730 ادام قايتىس بولدى.

تەك سوڭعى اپتادا راستالعان جاعدايلاردىڭ سانى ينفەكسيا جاعدايلارىنىڭ سانى بويىنشا العاشقى جيىرمالىققا كىرەتىن ەلدەرگە قاراعاندا %9,9 عا وسكەن. مىسالى، ءۇندىستاندا ءوسىم %9 عا جەتكەن. باستاپقىدا ۆيرۋس بۋەنوس- ايرەس پەن وعان جاقىن اۋدانداردا تىركەلگەن ەدى.

الايدا جاقىندا بۇرىن جۇقتىرۋ جاعدايلارى تىركەلمەگەن نەمەسە وتە از بولعان شاعىن، كەدەي پروۆينتسيالارعا تارادى.

كەيبىر اۋدانداردا، مىسالى، بوليۆيامەن شەكارالاس جاتقان جۋجۋي پروۆينسياسىندا كوروناۆيرۋس پەن ونى جۇقتىرۋ جاعدايلارىنىڭ ورشۋىنە بايلانىستى دەنساۋلىق ساقتاۋ جۇيەسى بار كۇشىن سالىپ جۇمىس ىستەۋدە. جاقىندا ارگەنتينا پرەزيدەنتى البەرتو فەرناندەس كارانتيندى 20-قىركۇيەككە دەيىن ۇزارتتى، ياعني كارانتين ەلدە التى ايعا سوزىلىپ وتىر.

بۇل ءوز كەزەگىندە ارگەنتينا ەكونوميكاسىنا تەرىس اسەر ەتەدى. جۇمىسسىزدىق دەڭگەيىنىڭ ءوزى %10 دان استى.

ايتا كەتۋ كەرەك، الەم حالقىنىڭ %8 ىن قۇرايتىن لاتىن امەريكاسى مەن كاريب تەڭىزى ايماعىنداعى ەلدەردە ءولىم مەن كوروناۆيرۋس ينفەكتسياسىنىڭ جالپى سانىنىڭ %30 ى تىركەلگەن.

وڭىردە COVID-19 جۇقتىرۋدىڭ 19 ميلليون جاعدايى تىركەلىپ، ۆيرۋستان 276 مىڭ ادام قايتىس بولعان.

بۇگىنگى تاڭدا برازيليا كوروناۆيرۋس ينفەكسياسىن جۇقتىرۋ جانە ءولىم سانى بويىنشا كوشباسشى بولىپ قالا بەرەدى - مۇندا 4 ميلليونعا جۋىق جۇقتىرۋ جاعدايى تىركەلىپ، 121 مىڭنان استام ادام قايتىس بولعان.

اۆتور: گۇلزات اقجولوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى