قازاقستاندا ۆولونتەرلەر جالاقى الا ما

بۇل تۋرالى ورتالىق كوممۋنيكاتسيالار قىزمەتىندە وتكەن ونلاين- بريفينگتە ايتىلدى، دەپ حابارلايدى قازاقپارات ءتىلشىسى.

«ءبىزدىڭ قوزعالىستىڭ اۋقىمى - كەڭ، مۇشەسى دە - كوپ. ءبىز مەملەكەتتىك الەۋمەتتىك تاپسىرىستارعا قاتىسامىز، ول - مەملەكەتتىڭ ۆولونتەرلەردى قولداۋى، ال جاۋاپكەرشىلىكتى ءبىز ءوز موينىمىزعا الامىز. قاتارداعى ۆولونتەرلەر بۇل تۋرالى بىلەدى، سەبەبى بۇل دا - ولار ءۇشىن ۇلكەن موتيۆاتسيا. ۇيىم ىشىندە ولار باسقارۋعا قاتىستى ۇلكەن تاجىريبە جيناپ، جوبالار جاسايدى. ودان كەيىن بارىپ جالاقى الاتىنداردىڭ قاتارىنا ەنە الادى. نەگىزىندە مەملەكەتتىك تاپسىرىس - قوماقتى قاراجات ەمەس. 2013 -جىلدان بەرى ءبىز قوزعالىس رەتىندە جۇمىس ىستەپ كەلەمىز. 2016 -جىلى عانا مەملەكەتتىك تاپسىرىسقا قاتىسىپ، «ۆولونتەرلىك كورپۋس» جوباسىنا 6 ميلليون تەڭگە ءبولىندى. وسى جوبا اياسىندا 150 ۇساق شارا جۇزەگە اسىرىلدى. وسى 6 ميلليون تەڭگەنىڭ %30 ى جالاقىعا كەتەدى. ونى 12 ايعا بولسەڭ، كوپ اقشا ەمەس. 2017 -جىلى بيۋدجەتتەن 20 ميلليون تەڭگە ءبولىندى. 150 ادام ترەنينگ، سونىڭ ىشىندە ءبىلىم بەرۋ سيپاتىندا ترەنينگ وتكىزدى. ءبىز ءوز قاراجاتىمىزدى سالاتىن جوبالار دا بار»، - دەيدى قازاقستان ۆولونتەرلەرى ليگاسىنىڭ ءتورايىمى ايسۇلۋ ەرنيازوۆا.

ونىڭ ايتۋىنشا، جالاقىنى تۇراقتى تۇردە ۆولونتەرلىكپەن اينالىساتىندار الا الادى.

«شامامەن 5 ادام ازداعان جالاقى الا الادى. ول مەملەكەتتىك تاپسىرىستان تۇسەتىن قارجىنىڭ %30 ى. جالاقىنى تەك ۆولونتەرلىكپەن اينالىساتىن ادامدار عانا الادى، ويتكەنى ۆولونتەرلەر - تەك قانا ۆولونتەرلىكپەن اينالىساتىن كاسىبي ماماندار»، - دەيدى ول.

اۆتور: زارينا قاھارمان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى