نۇر- سۇلتاندا از قامتىلعان وتباسى بالالارىنا ارنالعان وقۋ ورتالىعى اشىلدى

بۇگىن ەلوردا اكىمىنىڭ ورىنباسارى باقتيار ماكەننىڭ قاتىسۋىمەن كوپ بالالى وتباسىلارداعى وقۋشىلاردى دايارلاۋعا ارنالعان «Bilim All» ءبىلىم ورتالىعى اشىلدى. ب. ماكەن تۇرعىنداردىڭ الەۋمەتتىك باستامالارىن جۇزەگە اسىرۋ ماڭىزدى ەكەنىن اتاپ ءوتىپ، ورتالىق ۇجىمىنىڭ جۇمىسىنا ساتتىلىك تىلەدى.

ورتالىقتا كوپ بالالى جانە قولداۋعا مۇقتاج وتباسىلاردا تاربيەلەنەتىن بالالار ءارتۇرلى كۋرستارعا اقىسىز قاتىسا الادى. ورتالىقتا كۇندىزگى توپتار، ورىس، قازاق، اعىلشىن جانە اراب تىلدەرى، ماتەماتيكا كۋرستارى، شاحمات ۇيىرمەسى، ونەر شەبەرحاناسى، گيتارا جانە دومبىرا سىنىپتارى بار.

«ءبىرىنشى ماقساتىمىز - بالالارعا زامان تالابىنا ساي قولجەتىمدى ءبىلىم بەرۋ. ءبىز ق ر پرەزيدەنتىنىڭ جولداۋىن، اتاپ ايتقاندا، قوسىمشا ءبىلىم بەرۋ اياسىن كەڭەيتۋ تۋرالى ۇسىنىسىن تولىعىمەن قولدايمىز. بۇل جۇمىسپەن ءبىزدىڭ ورتالىق تىكەلەي اينالىسادى»، - دەيدى ورتالىق جەتەكشىسى رايگۇل سەرىكبايەۆا.

مۇندا بارلىعى 300-گە جۋىق بالا وقي الادى. وقۋ ورتالىعى Strong Mothers Ns قوعامدىق قورى مەن نۇر- سۇلتان قالالىق اكىمدىگىنىڭ قولداۋىمەن اشىلدى. «مۇندا وتە قىزىق. مۇعالىمدەر ساباقتى جاقسى تۇسىندىرەدى»، - دەيدى 7-سىنىپ وقۋشىسى فاتيما شاراپاتوۆا.

«ورتالىقتىڭ اشىلۋىن وتە ۇزاق كۇتتىك. وسى كۋرستارعا بارۋعا مۇمكىندىك بەرگەن Strong Mothers قوعامدىق قورىنا ريزاشىلىعىمدى بىلدىرگىم كەلەدى. قىزىم وسىندا اعىلشىن كۋرسىنا بارادى. العاشقى كۇندەردەن- اق جاقسى ناتيجە كورسەتۋدە، مەكتەپكە دايىندالىپ جاتقان ۇلىمدى دا وسىندا اكەلەمىن»، - دەيدى وقۋشىلاردىڭ اناسى انەل.

ايتا كەتەيىك، كوپ بالالى انالار اقىسىز نەگىزدە كومپيۋتەرلىك ساۋاتتىلىق بويىنشا قوسىمشا كۋرستاردان وتە الادى. قازىرگى ۋاقىتتا ورتالىقتا جيىرماعا جۋىق انا ءبىلىم الۋدا.

«ءوزىم كوپ بالالى انا رەتىندە وسىندا كومپيۋتەرلىك ساۋاتتىلىعىمدى ارتتىرىپ، ءبىراز ناتيجەگە قول جەتكىزدىم. ورتالىقتى اشۋعا قولداۋ بىلدىرگەن اكىمدىككە، قوعامدىق قور مۇشەلەرىنە العىس ايتامىن»، - دەيدى گۇلميرا ەسىمدى كوپ بالالى انا.

«Bilim All» ورتالىعى ءۋاليحانوۆ كوشەسى، 3 مەكەنجايىندا ورنالاسقان. قازىر توپتاردا بەس بالادان كوپ ەمەس. بالانى تىركەۋ ءۇشىن كەڭسەگە كەلىپ، قاجەتتى قۇجاتتاردى تاپسىرۋ كەرەك.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى