ماۋسىمدىق تۇماۋ مەن كوروناۆيرۋستى قالاي اجىراتامىز
«بارىمىزگە بەلگىلى كۇز ايلارى تۇسۋىمەن كوپتەگەن سوزىلمالى اۋرۋلاردىڭ ءورشۋى بولادى. ج ر ۆ ي، تۇماۋ اۋرۋىنان جازدان كەيىنگى السىزدىكتەن كەيىن اۋىرىپ قالۋىمىز مۇمكىن. ادامداردىڭ سوزىلمالى اۋرۋلارى قوزۋى ىقتيمال. وسى ۋاقىتتا ادامدار ينفەكسيالىق اۋرۋلارعا ۇرىمتال كەلەدى. ونىڭ ىشىندە كوروناۆيرۋستىق ينفەكسيا دا بار. ەگەر، باسقا ج ر ۆ ي اۋىرىپ اعزانى السىرەتەتىن بولساق، ك ۆ ي تولقىنىنا دا ءالسىز كىرەمىز. وسىعان بايلانىستى قازىرگى كەزدە جۇقپالى اۋرۋلار اۋرۋحاناسىنىڭ ەكسپەرتتىك توبىمەن، ارىپتەستەرىمىزبەن ۇلكەن ماسشتابتى جۇمىس اتقارىلىپ جاتىر. جرۆي، تۇماۋ ماۋسىمىنا دايىندىق جۇرگىزىلەۋدە. ك ۆ ي قوسىلعان جاعدايدا قالاي ارەكەت ەتۋدىڭ الگوريتمى جاسالعان»، - دەدى «ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسى» م ك ك تامارا ۇتاعانوۆا.
ونىڭ ايتۋىنشا، جۇقپالى اۋرۋلاردان ساقتانۋدىڭ بىردەن- ءبىر ءتيىمدى ءتاسىلى ۆاكسيناتسيا بولىپ تابىلادى.
«قاۋىپ توبىندا تۇرعان ادامدار 65 جاستان اسقان كىسىلەر، جۇكتى ايەلدەر، ءجيى اۋىراتىن بالالار، جۇرەك، وكپە، بۇيرەك سوزىلمالى اۋرۋلارىمەن ەسەپتە تۇرعان ادامدار، مەديتسينالىق قىزمەتكەرلەر تۇماۋعا قارسى جىلدا ەكپە الادى. تۇماۋعا قارسى ەكپە جىل سايىن وسى ۋاقىتتا جوسپارلاناتىن. بيىل ك ۆ ي بولجامىن ەسكەرە وتىرىپ، ۋاقتىلى وزەكتى باستالىپ وتىر. ەكپە تۇماۋدان ساقتاي وتىرىپ، كۆي ۇدەۋىنە، قارقىندى تارالۋىنا كەرى ىقپالىن تيگىزەتىنى بەلگىلى»، - دەدى مامان. ونىڭ ايتۋىنشا، تۇماۋ ماۋسىمى بيىل 40 اپتادان باستاپ كەلەر جىلدىڭ 20 اپتاسىنا دەيىن جالعاسادى. ياعني، 1 - قازان مەن 31- ناۋرىزعا دەيىنگى ارالىق تۇماۋ ماۋسىمى سانالادى.
«جىلدا قالانىڭ ينفەكسيالىق قىزمەتى وسى ۋاقىت ارالىعىنا دايىندالادى. بيىلعى دايىندىق ۋاقىتىندا باستالدى. البەتتە، قالاداعى ينفەكتسيونيست ماماندار كۆي مەن تۇماۋدى اجىراتا بىلەدى. تۇماۋ مەن ج ر ۆ ي كلينيكالىق بەلگىلەرى بۇرىننان بەلگىلى. ماماندار ديففەرەنسيالدى دياوگنوستيكا جاساي الادى. تۇماۋ بەلگىلەرى - دەنە قىزۋى، مۇرىننان سۋ اعۋى، تاماق قىشۋى، اياق قولدىڭ سىرقىراۋى، جوتەل. قاباق ءىسىپ، كوز قىزارادى. سيمپتومدار جەدەل باستالعاندىقتان بىردەن سەزىلەدى. وسىنداي بەلگىلەر پايدا بولعاندا، تۇرعىندارعا ۋچاسكەلىك دارىگەرگە حابارلاسۋىن سۇرايمىز»، - دەدى ول.
اۆتور: گۇلميرا عوسمانالي
