ەڭبەك ءمينيسترى زەينەتكە شىعۋ جاسىن تومەندەتۋگە قاتىستى پىكىر ءبىلدىردى
«قازىرگى كەزدە زەينەتكە شىعۋ جاسىن ازايتۋدى قايتا قاراستىرۋ ماسەلەسى تالقىلانىپ وتىرعان جوق. بۇگىندە زەينەتاقى جۇيەسى ەڭبەك وتىلىنە بايلانعان. ەڭبەك قىزمەتى ءۇشىن تولەنەتىن ىنتىماقتى زەينەتاقى مەن كەپىلدەندىرىلگەن بازالىق زەينەتاقى، سونداي-اق جيناقتىق قۇرامداۋىش بار»، - دەپ توقتالدى مينيستر ۇكىمەت ۇيىندە وتكەن باسپا ءسوز ءماسليحاتىندا.
سونىمەن قاتار ول جيناقتى زەينەتاقى جۇيەسى جوعارى بىسىمدىققا شىعىپ وتىرعانىن، بۇل باعىت بارىنەن بۇرىن جيناق جۇيەسىنە قاتىسۋ ۇزاقتىعى مەن جيناق سوماسىنا بايلانىستى ەكەنىن ايتتى. «وسى جاعدايدا حالىقتىڭ تابىسىن، لايىقتى جيناقتى ارتتىرۋ ماقساتى تۇر. مۇنىمەن قوسا، جۇمىسپەن قامتىلۋ دەڭگەيىن كوتەرۋ مەن قورداعى ءبىزدىڭ ازاماتتاردىڭ زەينەتاقى اكتيۆتەرىنىڭ كىرىسىن ارتتىرۋعا ەكپىن قويىلىپ وتىر»، - دەدى ب. نۇرىمبەتوۆ.
اۆتور: رۋسلان عابباسوۆ
