الماتىدا ماس ادام بىرەۋدىڭ كولىگىن ايداپ كەتىپ ورتەپ جىبەرگەن

قالالىق پ د باسپا ءسوز قىزمەتىنىڭ حابارلاۋىنشا، قىلمىس تۇركسىب اۋدانىندا بولعان.

«كولىك يەسى دۇكەنگە كىرىپ كەتكەندە، 26 جاستاعى ماس ادام سونى پايدالانىپ كولىكتى ايداپ كەتكەن. ءبىراز ۋاقىتتان سوڭ كولىك سول ماڭايدان تابىلدى. ۇرى ونى ورتەپ جىبەرگەن. ءورت قويماس بۇرىن كولىكتىڭ قوزعالتقىشىن، اككۋمۋلياتورىن، باسقا دا بولشەكتەرىن شەشىپ العان. كۇدىكتى كوپ ۇزاماي ۇستالدى. وعان قاتىستى قازىر قىلمىستىق كودەكستىڭ 188-بابى بويىنشا قىلمىستىق ءىس قوزعالدى»، - دەدى تۇركسىب اۋداندىق پ ب ءبولىم باسشىسى ەرلان ايانبايەۆ. ال، ۇرلانعان اۆتوبولشەكتەر يەسىنە قايتارىلدى.

«كولىك ەسكى بولعاندىقتان، جوعالعانىنا اسا ۋايىمدامادىم. وسىلاي تەز تابىلاتىنىنا دا سەنبەدىم. پوليتسيا ۇرىنى تاپقانى جاقسى بولدى. سەبەبى، ەرتەڭ ول باسقالارعا جاماندىق جاسامايتىن بولادى»، - دەدى كولىك يەسى. پ ب ايتۋىنشا، جىل باسىنان بەرى كولىك ۇرلاۋ قىلمىسى 2,1 ەسەگە ازايعان.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى