دەمالىس كۇندەرى ەلوردادا ەكى وبلىستىڭ جارمەڭكەسى وتەدى

5-6- قىركۇيەك كۇندەرى «حان شاتىر» ساۋدا ويىن-ساۋىق ورتالىعىنىڭ جانىندا تۇركىستان جانە الماتى وبلىستارى اكىمدىگىنىڭ ۇيىمداستىرۋىمەن اۋىل شارۋاشىلىعى ونىمدەرىنىڭ جارمەڭكەسى وتكىزىلەدى.

5- جانە 6- قىركۇيەكتە الماتى وبلىسىنان اۋىل شارۋاشىلىعى ونىمدەرى جارمەڭكەسىنە ءۇش قالا - تەكەلى، قاپشاعاي جانە تالدىقورعان قالالارى جانە 17 اۋدان قاتىسادى. جالپى العاندا، 370,4 توننا اۋىل شارۋاشىلىعى ءونىمى نەمەسە 48 اتاۋلى ءونىم اكەلىنەدى.

فەرمەرلەر 44,5 توننا ەت، 16,1 توننا ءسۇت ءونىمىن، 113,6 توننا كوكونىس، 14,7 توننا بالىق، 38 توننا جەمىس-جيدەك، 42,6 توننا كارتوپ، 100 توننا باسقا دا ونىمدەر اكەلەدى.

جالپى سوماسى 170,5 ميلليون تەڭگەنىڭ ءونىمىن ساتۋ جوسپارلانىپ وتىر.

جارمەڭكەدە تۇركىستان وبلىسى شارۋالارى 447,2 توننا اۋىل شارۋاشىلىعى ءونىمىن 15-20 پايىزعا تومەن باعامەن ۇسىنادى.

اتاپ ايتقاندا، 34 جۇك كولىگىنە تيەلگەن 267,7 توننا كوكونىس، باقشا، كارتوپ، 29,5 توننا جەمىس-جيدەك، 72 توننا ەت جانە ەت ونىمدەرى، 47,5 توننا ءسۇت ونىمدەرى، 10 توننا بالىق، 6 توننا بال، 14,5 توننا جەمىس شىرىنى مەن كونسەرۆى ونىمدەرى.

تۇركىستان اكىمدىگى نەگىزگى ونىمدەر بويىنشا باعالارعا دا تالداۋ جاساعان.

ماسەلەن، نۇر-سۇلتان قالاسىندا سيىر ەتىنىڭ ورتاشا باعاسى 2000 - 2100 ت گ/ك گ بولسا، جارمەڭكەدە 1700-1800 تەڭگەدەن، قاربىز، قاۋىن 130-200 ت گ/ك گ بولسا، جارمەڭكەدە 75-100 ت گ/ك گ، كوكونىستىڭ ورتاشا باعاسى 150-200 ت گ/ك گ بولسا، جارمەڭكەدە 100-150 تەڭگەدەن ساتىلادى.

جارمەڭكەگە كەلۋشىلەر قاتاڭ سانيتارلىق-گيگيەنالىق تالاپتاردى ساقتاۋ قاجەت. ماسكا تاعۋ، قاشىقتىقتى ساقتاۋ جانە مىندەتتى تۇردە انتيسەپتيكى قولدانۋى ءتيىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى