الماتىدا كوروناۆيرۋسقا قاتىستى احۋال تۇراقتالدى - باقىتجان ساعىنتايەۆ

ۋاقىتىندا وتكىزىلگەن پروفيلاكتيكالىق شارالاردان سوڭ قالادا كوروناۆيرۋس جاعدايى ازايعانى بايقالادى. قالا بويىنشا بۇگىندە 14233 ناۋقاس تىركەلگەن. قالادا 8 ادامدا كۆي دياگنوزى راستالعان.

«وتكەن ايداعى كورسەتكىشتەرمەن سالىستىرعاندا اناعۇرلىم تومەندەگەنى انىق. ەپيدەميانىڭ قاۋىرت ساتتەرىندە كۇنىنە 250 ادام تىركەلگەن بولاتىن. ال جازىلعاندار سانى 13360 ادام. پنيەۆمونيامەن 705 ادام تىركەلگەن. ءقازىر كۇنىنە 11 ادام تىركەلەدى. بۇل جاعىنان دا كورسەتكىشتەر تومەندەگەن»، - دەدى ب. ساعىنتايەۆ.

ودان بولەك، قالاداعى ستاتسيونارلىق ورتالىقتاردىڭ قانشالىقتى جۇمىس ىستەپ تۇرعانىن تىلگە تيەك ەتتى.

«قازىر ينفەكتسيالىق ستاتسيونارلار 18 پايىزعا ىستەپ تۇر. 3673 توسەك ورىن رەزەرۆتە تۇر. ياعني، ءقازىر توسەك- ورىنداردىڭ 82 پايىزى بوس تۇر. جاڭا اۋرۋحانالاردىڭ قۇرىلىسى قازاندا اياقتالارىن ەسكەرسەك، ءبىز بۇل كورسەتكىشتى 7 مىڭعا جەتكىزەمىز. بۇگىندە 39 ادام جانساقتاۋ بولىمىندە جاتىر. 314 پاتسيەنت امبۋلاتوريالىق ەم قابىلداپ جاتىر»، - دەدى اكىم. الايدا، ول ۆيرۋس ەشقايدا كەتپەگەنىن، ساقتىق شارالارىن ساقتاۋ كەرەكتىگىن ءتۇسىندىردى.

«ەگەر ءبىز الەۋمەتتىك قاشىقتىقتى ساقتاماساق، ماسكالىق رەجيمدى بۇزساق، بۇرىنعى قالپىمىزعا كەلۋىمىز مۇمكىن»، - دەدى اكىم.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى