ەڭبەك ءمينيسترى زەينەتاقى جيناعىن كىمدەر پايدالانا الاتىنىن ايتتى
«ەل پرەزيدەنتى حالىققا جولداۋىندا الەۋمەتتىك سالا بويىنشا ءبىرقاتار تاپسىرما بەردى. مەملەكەت باسشىسى وسى جىلدىڭ سوڭىنا دەيىن ازاماتتاردىڭ ءوز زەينەتاقى جيناعىنىڭ ءبىر بولىگىن تۇرعىن ءۇي جاعدايىن جاقسارتۋعا، قىمبات تۇراتىن ەمگە تولەۋگە نەمەسە قارجى كومپانيالارىنىڭ باسقارۋىنا بەرۋگە پايدالانۋ بويىنشا قاجەتتى قۇقىقتىق اكتىلەردى قابىلداۋدى جانە دايىندىق جۇمىسىن جۇرگىزۋدى تاپسىردى. بۇگىندە ماقۇلدانعان تۇجىرىمدامالىق شەشىم بار. اتالعان ماقساتتا 721 مىڭ ادامنىڭ ءوز زەينەتاقى جيناعىن پايدالانۋعا مۇمكىندىگى بولادى. وسى ورايدا شامامەن 1,4 تريلليون تەڭگە كولەمىندە»، - دەدى مينيستر ۇكىمەت وتىرىسىندا.
ونىڭ ىشىندە جەتكىلىكتىلىكتى شەگىنەن اساتىن زەينەتاقى جيناعى بار 530 مىڭعا جۋىق جۇمىس ىستەيتىن ازامات، 178 مىڭنان استام زەينەتاقى جيناعى بار زەينەتكەر جانە 13 مىڭ اننۋيتەت تولەمدەرىنە شارت جاساعان ازاماتتار قامتىلعان.
ايتا كەتەيىك، قازاقستان حالقىنا جولداۋىن جاريا ەتكەن ق ر پرەزيدەنتى قاسىم- جومارت توقايەۆ 2021 -جىلدان باستاپ زەينەتاقى جيناعىن باسپانا ساتىپ الۋعا جۇمساۋعا بولاتىنىن ايتتى.
اۆتور: رۋسلان عابباسوۆ
