پاندەميا كەزىندە قانداي تاۋارلار ءجيى ساتىلعانى بەلگىلى بولدى

كەيبىر تاۋار وندىرۋشىلەر بۇل مۇمكىندىكتى پايدانالىپ، ونىمدەردىڭ باعاسىن كوتەرگەن.

«سۇرانىس پەن ۇسىنىس تۋرالى بىلگەنىمىزدى ۇمىتۋىمىز كەرەك. سەبەبى، تۇتىنۋشىلاردىڭ مىنەز- قۇلقى تولىعىمەن وزگەردى»، - دەيدى سولتۇستىك- باتىس ۋنيۆەرسيتەتىنىڭ ساراپشىسى (ا ق ش) پەتر دۆورچاك.

Reuters اگەنتتىگىنىڭ مالىمەتىنشە، COVID-19 داعدارىسى «كيىمنەن ازىق- تۇلىككە دەيىن» تۇتىنۋشىلىق مودەلىنىڭ ەسكىرگەنىن كورسەتكەن.

ساراپشىلاردىڭ پىكىرىنشە، وعان ادامداردىڭ ۇيدەن جۇمىس ىستەۋى سەبەپ بولعان.

Reuters تالداۋىنا سايكەس، 2019 -جىلمەن سالىستىرعاندا امەريكالىقتار بيىل كوفە، جۇمىرتقا، ۆەتچينا، كەتچۋپ جانە ىرىمشىكتى ءجيى ساتىپ العان. تاۋار وندىرۋشىلەر بۇل ونىمدەردىڭ باعاسىن كوتەرگەن. Nielsen مالىمەتىنشە، ساتىپ الۋشىلار ەرىگىش كوفە ءۇشىن ورتاشا ەسەپپەن 8 پايىزعا جانە كەتچۋپ ءۇشىن 10 پايىزعا كوپ اقشا جۇمساعان.

سونىمەن قاتار، Nike Air Max ەرلەر كروسسوۆكيى مەن يوعا ارنالعان Lululemon شالبارلارى، Louis Vuitton سومكەلەرى قىمباتتاعان.

StyleSage كومپانياسىنىڭ مالىمەتىنشە، شىلدەدە Nike اياق كيىمىنىڭ شامامەن 63 پايىزىن ينتەرنەت ارقىلى ساتقان. 2019 -جىلمەن سالىستىرعاندا Air Max كروسسوۆكيىنىڭ باعاسى ورتاشا ەسەپپەن 10,5 پايىزعا ارتقان.

ەكونوميستەر قوعامدىق كاسىپورىنداردىڭ جابىلۋىنان ادامدار كوپ اقشا جۇمساماعانىن ايتادى.

«ارينە، جاپپاي جۇمىستان شىعارۋ بولعان شىعار. ءبىراق ادامداردىڭ باسىم بولىگى جالاقىسى مەن تابىسىن ساقتاپ قالدى»، - دەيدى ميچيگان ۋنيۆەرسيتەتىنىڭ ساراپشىسى نيرۋپاما راو.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى