ۇرىلار كىلتتى كورمەي-اق، «داۋسىنا» قاراپ كوشىرمەسىن جاساي الادى - ۆيدەو
ۇرىلاردىڭ كىلتتى كورمەي-اق، قۇلىپتى اشىپ-جاپقان كەزدەگى دىبىسىنا قاراپ-اق ونىڭ كوشىرمەسىن جاساي الاتىن بولعان. وسىعان بايلانىستى سمارت- ەسىكتەر كادىمگى مەحانيكالىق قۇلىپقا قاراعاندا سەنىمدىلىك تۋدىرادى.
ۇرى ەسىكتى اشىپ نەمەسە جاۋىپ جاتقان كەزدە پاتەر يەسىنىڭ جانىن وتسە، جەتىپ جاتىر. قانداي كىلت ەكەنىن دىبىسىنا قاراپ-اق اجىراتا الادى نەمەسە سمارتفونىنا ونىڭ دىبىسىن باسىپ السا، ارتىنان كەرەكتى كىلتتى وپ-وڭاي تاۋىپ الادى. ويتكەنى، ءار قۇلىپتىڭ اشىلعاندا نەمەسە جابىلعاندا شىعاراتىن وزىنە ءتان دىبىسى بار. بۇل جايىندا islam.kz اقپارات كوزى 24gadget.ru پورتالىنا سىلتەمە جاساي وتىرىپ ءمالىم ەتەدى.
ءتىسقاققان تاجىريبەلى ۇرىعا كەرەكتى كىلتتى تابۋ نەمەسە كوشىرمەسىن جاساتۋ تۇك ەمەس. يا بولماسا حاكەر سمارتفونىنا ارنايى پروگراممانىڭ كومەگىمەن ورناتىپ العان قوسىمشا ارقىلى تىڭ تىڭداي الادى، مۇنداي جاعدايدا ۇرى پاتەر يەسىنىڭ جانىنا جاقىنداماي- اق كىلتتى بۇراعان كەزدەگى دىبىستى تاسپاعا تارتىپ الا الادى.
وسىلايشا قاشىقتان كەرەكتى اقپاراتقا قول جەتكىزە الادى. SpiKey الگوريتىمىنىڭ جۇمىس ىستەۋ ءپرينتسيپى كىلتتىڭ جاناسقان ساتىنەن باستالادى. تاسپاعا تارتىلىپ قالعان دىبىستىڭ ءاناليزى جاسالعان سوڭ پروگرامما سايكەس كەلەدى- اۋ دەگەن، ياعني، قۇلىپتى اشادى- اۋ دەگەن قاجەتتى كىلتتىڭ ءپروفيلىن قالىپتاستىرادى. اتالمىش قوسىمشانىڭ بازاسىندا 330424 كىلتتىڭ «دىبىسى» ساقتالعان. وسى دىبىستاردىڭ نەگىزىندە سايكەس كەلەدى- اۋ دەگەن ەڭ بەس نۇسقاسى ىرىكتەلەدى.
