ءماجىلىس ءۇش دەپۋتاتتىڭ وكىلەتتىگىن مەرزىمىنەن بۇرىن توقتاتتى
التىنشى سەسسيانىڭ العاشقى جالپى وتىرىسىندا ءماجىلىس ءتوراعاسى نۇرلان نىعماتۋلين ەكس- دەپۋتاتتارعا العىس حات تابىستادى.
«قۇرمەتتى ايزادا امانگەلدى قىزى! سىزگە بارلىق ارىپتەستەر اتىنان العىس ايتامىز. ءبىز بىرنەشە جىل بىرگە جۇمىس ىستەپ، كوپتەگەن زاڭدار قابىلدادىق. قازىرگى ۋاقىتتا ءسىز پاۆلودار وبلىسى اكىمىنىڭ ورىنباسارى رەتىندە جۇمىستى باستاپ كەتتىڭىز. سوندىقتان وسى جاڭا جۇمىسىڭىزعا زور تابىس پەن ساتتىلىك تىلەيمىز»، - دەدى ءماجىلىس ءتوراعاسى.
ايتا كەتەيىك، پاۆلودار وبلىسى اكىمىنىڭ ورىنباسارى قىزمەتىنە تاعايىندالعان ايزادا قۇرمانوۆا الەۋمەتتىك بلوكتىڭ جۇمىسىن قاداعالايتىن بولادى.
زاڭ عىلىمدارىنىڭ دوكتورى، پروفەسسور نۇرلان دۋلاتبەكوۆ ە. ا. بوكەتوۆ اتىنداعى قاراعاندى ۋنيۆەرسيتەتىنە رەكتور بولىپ تاعايىندالدى. ال نۇرلان ءابدىروۆ قر پارلامەنتى سەناتى ءتوراعاسىنىڭ ورىنباسارى بولىپ سايلاندى.
