يزرايلدەن تۇڭعىش رەت ساۋد ارابياسىنىڭ اۋە جولى ارقىلى ۇشاق ۇشتى
العاشقى ۇشاقپەن ا ق ش پرەزيدەنتىنىڭ كومەكشىسى دونالد ترامپتىڭ كۇيەۋ بالاسى دجارەد كۋشنەر باستاعان امەريكالىق دەلەگاتسيا جانە يزرايلدىڭ رەسمي تۇلعالارى ساپار شەكتى. لاينەر ساۋد ارابياسىنىڭ اۋە كەڭىستىگىن باسىپ ءوتتى. بۇعان دەيىن يزرايل اۆياتسياسىنا بۇل ەلدىڭ اسپانىمەن ۇشۋعا رۇقسات ەتىلمەيتىن.
بينيامين نەتانياحۋ، يزرايل پرەمەر- ءمينيسترى:
- بۇل - تاريحي ءسات. يزرايلدەن تۇڭعىش رەت ساۋد ارابياسى اۋە جولى ارقىلى بىرىككەن اراب امىرلىكتەرىنە تىكەلەي رەيسپەن ۇشىپ باراسىزدار. ءبارىمىز تولقىپ تۇرمىز. سەبەبى ءبىز وسى ماقساتقا جەتۋ ءۇشىن ونداعان جىلدار بويى جۇمىس ىستەدىك. قول جەتكەن بەيبىت كەلىسىم ەكى ەلدىڭ دامۋىنا ءارى حالىقتاردىڭ ارالاسۋىنا ءوز سەپتىگىن تيگىزەدى دەپ سەنەمىن.
يزرايل مەن بىرىككەن اراب امىرلىكتەرى تامىزدىڭ 13- كۇنى ديپلوماتيالىق بايلانىس ورناتۋ تۋرالى كەلىسىمگە كەلگەن. ا ق ش- تىڭ دەلدالدىعىمەن جاسالعان قۇجاتقا سايكەس ابۋ- دابي يزرايل مەملەكەتىن تانىسا، تەل- اۆيۆ يوردان وزەنىنىڭ باتىس جاعالۋىنداعى جاۋلاپ العان جەرلەردى قوسىپ الماۋعا كەلىسىمىن بەرگەن.
www.24.kz
