پرەزيدەنت ءبىر-ەكى كوشەنى جىل سايىن قايتا-قايتا جوندەي بەرەتىندەردى سىنادى
بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا جىل سايىنعى ءداستۇرلى جولداۋىندا ءمالىم ەتتى، دەپ حابارلايدى قازاقپارات ءتىلشىسى.
«اسا ماڭىزدى ماسەلەنىڭ ءبىرى - ايماقتاردى بيۋدجەتتەن قارجىلاندىرۋ مودەلىن ازىرلەۋ. بۇل رەتتە ورتالىق پەن ءوڭىر اراسىنداعى قارىم-قاتىناستان بولەك، قاراجاتتىڭ ءوڭىر ىشىندە بولىنۋىنە ايرىقشا نازار اۋدارۋ كەرەك. جەرگىلىكتى بيۋدجەتتەردى بەكىتۋ بارىسىندا باقىلاۋدى كۇشەيتۋ قاجەت»، - دەدى مەملەكەت باسشىسى.
ق. توقايەۆتىڭ ايتۋىنشا، بولىنگەن قاراجات كوپ جاعدايدا تۇرعىنداردىڭ شىنايى قاجەتتىلىگىنە جۇمسالا بەرمەيدى.
«ءبىر-ەكى كوشەنى جىل سايىن قايتا-قايتا جوندەي بەرۋ، يميدجدىك شارالارعا جۇمسالاتىن ءتيىمسىز شىعىندار ازاماتتارىمىزدىڭ نارازىلىعىن تۋدىرۋدا. بۇل - ورىندى»، - دەدى پرەزيدەنت.
اۆتور: رۋسلان عابباسوۆ
