مەملەكەتتىك قىزمەتشىنىڭ قوس ازاماتتىعى انىقتالعان جاعدايدا قىزمەتىنەن بوساتىلادى - توقايەۆ
بۇل تۋرالى بۇگىن قازاقستان حالقىنا جولداۋىن جاريا ەتكەن ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«مەملەكەتتىك قىزمەتشىنىڭ نەمەسە كۆازيمەملەكەتتىك مەكەمە باسشىسىنىڭ قوس ازاماتتىعى انىقتالعان جاعدايدا ولار قىزمەتىنەن بوساتىلادى. قۇقىق قورعاۋ ورگاندارى قىزمەتكەرلەرىنىڭ، سۋديالاردىڭ، پارا بەرۋشىلەردىڭ جانە پاراقورلىققا دەلدال بولعانداردىڭ سىبايلاس جەمقورلىعى ءۇشىن جازانى قاتايتۋ تۇرعىسىنان قىلمىستىق كودەكسكە وزگەرىستەر ەنگىزۋ كەرەك» ، - دەدى مەملەكەت باسشىسى.
