مەملەكەتتىك قىزمەتشىلەردىڭ شەتەل بانكتەرىندە ەسەپشوت اشۋىنا شەكتەۋ ەنگىزىلەدى
بۇل تۋرالى بۇگىن قازاقستان حالقىنا جولداۋىن جاريا ەتكەن ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«كۆازيمەملەكەتتىك قۇرىلىمداردىڭ قارجى- شارۋاشىلىق قىزمەتىن، بيۋدجەت قاراجاتىن پايدالانۋ جونىندەگى مالىمەتتەردى جانە باسقا دا قۇندى دەرەكتەردى بۇكىل قوعامعا قولجەتىمدى ەتۋ جونىندەگى ءبىرىڭعاي اقپاراتتىق رەسۋرس جاساۋ اسا ماڭىزدى بولىپ وتىر. مەملەكەتتىك ورگانداردىڭ شەشىمى جونىندەگى اقپاراتتىڭ اشىقتىعى ازاماتتىق قوعاممەن سىندارلى ديالوگ ورناتۋعا سەپتىگىن تيگىزەدى. اقپاراتقا قول جەتكىزۋ جونىندەگى زاڭ جوباسىن مۇمكىندىگىنشە وسى سەسسيانىڭ اياعىنا دەيىن قابىلداۋ كەرەك»، - دەدى مەملەكەت باسشىسى.
سونىمەن قاتار ق ر پرەزيدەنتى سىبايلاس جەمقورلىققا قارسى كۇرەستىڭ جاڭا تاسىلدەرىن ەنگىزگەن ءجون دەپ سانايتىنىن باسا ايتتى.
«2021 -جىلدان باستاپ مەملەكەتتىك قىزمەتشىلەردىڭ، دەپۋتاتتاردىڭ، سۋديالاردىڭ شەتەل بانكتەرىندە ەسەپشوتقا يە بولۋى، قولما قول اقشا جانە باعالى زاتتار ساقتاۋىنا قاتىستى جەمقورلىقپەن كۇرەس اياسىندا جاڭا شەكتەۋلەر ەنگىزۋ كەرەك»، - دەدى قاسىم- جومارت توقايەۆ.
