مينيسترلىكتەردەگى جاۋاپتى حاتشىلار قىسقارتىلادى
«جاۋاپتى حاتشىلار ينستيتۋتىنا توقتالعىم كەلەدى. وسى ينستيتۋتتى ەنگىزگەن كەزدە ولاردىڭ اۋىسپالى بولماۋى مينيسترلەردى اكىمشىلىك- كادرلىق جۇمىستان بوساتادى، اپپاراتتىڭ تۇراقتىلىعىن قامتاماسىز ەتەدى دەپ قاراستىرىلعان ءادىس جۇزىندە ولاي بولمادى» ، - دەدى پرەزيدەنت.
سونىمەن قاتار مينيسترلەر مەن جاۋاپتى حاتشىلار اراسىندا ءوزارا تۇسىنىستىكتىڭ بولماۋى جاعدايلارى ورىن الاتىنىن اتاپ ءوتتى.
«ناتيجەسىندە، ورتاق ىسكە نۇقسان كەلتىرىلەدى. سۇراۋ ءبىر ادامنان بولۋى كەرەك، ياعني پرەزيدەنت تاعايىنداعان مينيستر جاۋاپتى بولۋى ءتيىس. سوندىقتان جاۋاپتى حاتشىلار ينستيتۋتىن قىسقارتۋ كەرەك. ولاردىڭ مىندەتىن مينيسترلىكتەردىڭ اپپارات باسشىلارىنا جۇكتەۋ قاجەت. جوعارىدا اتالعان ۇسىنىستاردى جۇزەگە اسىرۋ ءۇشىن مەملەكەتتىك قىزمەت تۋرالى زاڭناماعا جىل سوڭىنا دەيىن تۇزەتۋلەر پاكەتىن قابىلداۋدى تاپسىرامىن»، - دەدى توقايەۆ.
