جىلقىنى سوققان موتوسيكلدىڭ جۇرگىزۋشىسى دە، جولاۋشىسى دا مەرت بولدى

29-تامىزدا اقشات اۋىلىنىڭ ماڭىنداعى اقتوبە- سولتۇستىك اينالما جولىنداعى جول اپاتى ەكى ادامنىڭ ولىمىنە سەبەپشى بولدى. اقتوبە-سولتۇستىك اينالما جولىنىڭ شامامەن 10- شاقىرىمىندا اقشات اۋىلىنان سولتۇستىك اينالما كوپىرىنە قاراي Yamaha موتوسيكلىمەن كەلە جاتقان 17 جاستاعى بوزبالا جىلقىنى سوققان. كامەلەتتىك جاسقا تولماعاندىقتان ونىڭ كولىك قۇرالىن جۇرگىزۋگە قۇقى جوق. جول-كولىك وقيعاسى سالدارىنان 17 جاستاعى موتوتسيكل جۇرگىزۋشىسى مەن ونىڭ قاسىنداعى 18 جاستاعى قىز ەسىن جيماستان، وقيعا ورنىندا كوز جۇمدى.

پوليتسيا دەپارتامەنتىنىڭ قىزمەتكەرلەرى قايتىس بولعان جاسوسپىرىمدەردىڭ اتا-انالارىنا كوڭىل ايتىپ، قالىڭ كوپشىلىككە كامەلەتتىك جاسقا تولماعان بالانى كولىك قۇرالىنا وتىرعىزۋعا جول بەرۋگە بولمايتىنىن جانە ءتۇن ىشىندە ۇيدە بولۋىن قاداعالاۋ كەرەك ەكەنىن ەسكەرتەدى.

اۆتور: زارينا قاھارمان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى