قازاقستان مەن قىتاي تۇسىرگەن «كومپوزيتور» ۆانكۋۆەر فەستيۆالىندە ءتورت جۇلدە جەڭىپ الدى

رەجيسسەرلەر ءسابيت قۇرمانبەكوۆ پەن شەريزات ياكۋبتىڭ «كومپوزيتور» تۋىندىسى «ۇزدىك فيلم»، «ۇزدىك رەجيسسەر»، «ۇزدىك ايەل ءرولى» جانە «ۇزدىك ەر ادام ءرولى» نوميناتسيالارىندا توپ جاردى. ءتۇسىرىلىم توبىنىڭ قۋانىشتى جاڭالىعىن فيلمدە باستى رولدەردىڭ ءبىرىن سومداعان قازاقستاندىق اكتريسا ارۋجان جازىلبەكوۆا ءبولىستى.

«دوستار! «كومپوزيتور» كينوكارتيناسىنىڭ بارلىق ءتۇسىرىلىم توبىن جەڭىسىمەن قۇتتىقتايمىن! «قازاقفيلمگە»، ءبىزدىڭ رەجيسسەرلەرىمىز ءسابيت قۇرمانبەكوۆ پەن شەريزات ياكۋبقا جانە ءبىزدىڭ كىشكەنتاي ءدىلناز نۇرسەيىتكە (بۇل ونىڭ دەبيۋتتىك ءرولى)، التىناي نوگەربەككە، بەرىك ايتجانوۆقا جانە حۋ تسزيۋنگە العىس بىلدىرگىم كەلەدى.

بۇل - ءبىزدىڭ ورتاق جەڭىسىمىز. مەن سىزدەردى شىن جۇرەكتەن قۇتتىقتايمىن»، - دەپ اقجارما تىلەگىن جەتكىزدى ا. جازىلبەكوۆا. «كومپوزيتور» فيلمى بەلگىلى قىتاي كومپوزيتورى شيان شينحايدىڭ الماتىدا ەكىنشى دۇنيەجۇزىلىك سوعىس كەزىندەگى ءومىرى مەن ونىڭ بەلگىلى قازاقستاندىق كومپوزيتور باقىتجان بايقاداموۆپەن دوستىعىن باياندايدى. فيلمدەگى باستى رولدەردى حۋ جيۋن، بەرىك ايتجانوۆ، يۋان جيۋان، ارۋجان جازىلبەكوۆا جانە التىناي نوگەربەك سومداعان.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى