ءتورت سالماق دارەجەسىندەگى الەمنىڭ ەكس- چەمپيونى تۇرمەگە ءتۇستى
بۇعان سەبەپ - 2018 -جىلى سوتتىڭ شەشىمىمەن شىققان جىنىستىق زورلىق- زومبىلىق تۋرالى ءىس بويىنشا سىناق مەرزىمىن بۇزۋى، دەپ حابارلايدى قازاقپارات Clevland.com سايتىنا سىلتەمە جاساپ.
2018 -جىلدىڭ قاراشاسىندا 35 جاستاعى ايەل كليۆلەند تۇنگى كلۋبتارىنىڭ بىرىندە بولعان كەشتە جىنىستىق سيپاتتا زورلىق- زومبىلىق جاسادى دەپ ايىپتاعان. 2019 -جىلدىڭ ساۋىرىندە ەدريەن كىناسىن مويىنداپ، ەكى جىل سىناق مەرزىمىن الدى. بوكسشى ءوزىن اقتاۋ كەزىندە سۋدياعا جاقىندا ايەلىمەن ايىرىلىسىپ، دەپرەسسياعا ۇشىراعانىن جانە پسيحولوگتىڭ كومەگىنە مۇقتاج ەكەنىن ايتقان.
برونەر ادۆوكات جالداماعاندىقتان جانە بۇل ءىستى ەلەمەگەندىكتەن، سوت مىندەتتەمەلەردىڭ ورىندالماعاندىعى تۋرالى شەشىم قابىلداپ، ەدريەننەن جابىرلەنۋشىگە 830000 دوللار تولەۋگە ۇكىم شىعاردى. برونەر 2019 -جىلدىڭ قاڭتارىنان باستاپ رينگكە شىعىپ جۇرگەن جوق. سول جىلى (UD 12) فيليپپيندىك مەنني پاكياودان ۇپاي سانى بويىنشا جەڭىلىپ قالعان بولاتىن.
