بالا ءۇشىن «الىپپەمەن» ءارىپ تانۋ ءتيىمدى - اسحات ايماعامبەتوۆ

«الىپپەگە قاتىستى شەشىم قابىلدادىق. ونى ءبىز ايتقان ەدىك. بۇل وتە ماڭىزدى ماسەلە. بىرىنشىدەن، مەملەكەتتىك ستاندارتقا ەنگىزىلدى. ول ادىلەت ورگاندارىندا تىركەلدى. قازىر باعدارلامانى دايىنداپ، بەكىتۋگە ءازىرمىز. بۇل باعدارلاما ەڭ باستىسى احمەت بايتۇرسىنوۆ ادىستەمەسى نەگىزىندە بولادى. ءبىراق، ادىستەمەنىڭ نەگىزىندە دەگەن سول جىلدارداعى ارىپتەرمەن، تەك قانا سول نەگىزدە بولادى دەگەن ءسوز ەمەس. ەڭ باستىسى - ادىستەمەسى. وسى ادىستەمەنىڭ نەگىزىندە قازاق ءتىلىنىڭ وزىنە ءتان قاسيەتتەرىن بىلە وتىرىپ باعدارلاما دايىنداۋ ماڭىزدى بولىپ وتىر»، - دەدى مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، اتالعان باعدارلاما ەنگىزىلگەننەن كەيىن 1-سىنىپ وقۋشىلارى 1 جانە 2-توقساندا الىپپەنى وقيدى. ال 3 جانە 4-توقساندا انا تىلىمەن ءبىلىم الادى.

«بۇل وتە ماڭىزدى. سوندىقتان تەك قانا فورمالدى جاعىنان ەمەس، ەڭ باستىسى مازمۇنى جاعىنان قاراعاندا دا بالالار ءۇشىن ءتيىمدى بولادى. ويتكەنى، بالالار كەلە سالا دايىن تۇرعان ءماتىندى وقىماۋى ءتيىس. بالالار 1-سىنىپقا ءارتۇرلى دەڭگەيمەن كەلەدى»، - دەدى اسحات ايماعامبەتوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى