جاڭا تۇرپاتتى جۋرناليست دايىنداۋعا كوشۋ كەرەك - عالىم

بۇل تۋرالى ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ ءمالىم ەتتى، دەپ حابارلايدى قازاقپارات ءتىلشىسى.

«قازىر كوممۋنيكاتسيا قارىشتاپ دامىپ جاتىر. الەۋمەتتىك جەلى، بلوگوسفەرا، ۆيدەوارنالار، ۆەب- راديولار، مۋلتيمەديالىق گادجەتتەر، پودكاستار جانە باسقالارى - جۋرناليستيكانىڭ جاڭا مودەلىن دۇنيەگە اكەلدى. وسى ورايدا جۋرناليستيكا تەورياسى مەن پراكتيكاسى ماماندارى زامان تالابىنا ساي جاڭا ءبىلىم باعدارلامالارىن ازىرلەپ، جاڭا تۇرپاتتى جۋرناليست دايىنداۋعا كوشۋى كەرەك. وعان ۋنيۆەرسيتەتتەر دايىن»، - دەدى ە. سىدىقوۆ ونلاين-فورماتتا «قازاقستان رەسپۋبليكاسىنداعى جۋرناليستيكا دەڭگەيى» تاقىرىبىندا وتكەن تالقىلاۋ بارىسىندا.

ونىڭ پايىمىنشا، بۇگىنگى ب ا ق، جۋرناليستيكا ەل دامۋىندا، قوعامدى باسقارۋدا ەلەۋلى رولگە يە.

«جۋرناليستيكا كاسىپ، قىزمەت، ماماندىق بولۋدان گورى ۇلكەن مىندەت ارقالاعان ميسسياعا اينالدى. ب ا ق - ەلەكتورات سەنەتىن اقپارات كوزى. سوندىقتان دا قازىر كوممۋنيكاتسيا قۇرالدارى ايقىندايتىن حالىق بيلىگى تۋرالى ايتا باستاساق تا بولادى. بۇل بولاشاق جۋرناليستەردى دايىنداۋ بارىسىندا ءبىزدىڭ جاۋاپكەرشىلىگىمىزدىڭ ارتا تۇسەتىنىن تاعى ءبىر دالەلدەيدى»، - دەدى ە ۇ ۋ رەكتورى. بۇدان بۇرىن حابارلانعانداي، ە ۇ ۋ رەكتورى جۋرناليست دايارلاۋ ۇدەرىسىنە «اۆتورلىق ءبىلىم باعدارلامالارىن» ەنگىزۋىمىز كەرەكتىگىن ايتتى.

سونىمەن قاتار ول ءار تەلەارنا مەن راديوارنادا جۋرناليستيكا كافەدرالارىنىڭ فيليالىن اشۋ تۋرالى ۇسىنىسىن جەتكىزدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى