ەلوردادا ءۇش كولىك سوقتىعىسىپ قالدى

بۇل اقپاراتتى نۇر-سۇلتان قالالىق پوليتسيا دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى.

ۆەدومستۆو اقپاراتىنا سايكەس، وسى جىلدىڭ 25-تامىزىندا ساعات شامامەن 13-30-دا 30 جاستاعى جۇرگىزۋشى باسقارىپ كەلە جاتقان «HOWO» ماركالى اۆتوكولىك قىرقىنشى ستانسا جاقتان پاۆلوۆكا ەلدى مەكەنىنە قاراي كەلە جاتىپ، ەكى اينالما جولدىڭ قيىلىسىندا نۇر-سۇلتان- قاراعاندى جولى جاقتان الاش تاس جولىنا قاراي كەلە جاتقان «كاماز» كولىگىمەن سوقتىعىسقان.

«سوققىنىڭ سالدارىنان «كاماز» قاراما-قارسى باعىتتا كەلە جاتقان «VOLVO» ماركالى كولىگىنە بارىپ سوعىلعان. ول كولىكتى 63 جاستاعى جۇرگىزۋشى باسقارىپ كەلە جاتقان. «HOWO» اۆتوكولىگى كوممۋنالدىق ايىپ تۇراعىنا قويىلدى، تەرگەۋ جۇرگىزىلىپ جاتىر»، - دەدى دەپارتامەنتتەن.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى