«تۇركىلەر ءتورى تۇركىستان» اتتى حالىقارالىق ونلاين كونفەرەنسيا ءوتتى
شاراعا تۇركيا، ازەربايجان، وزبەكستان جانە قازاقستاننىڭ التى وڭىرىنەن اتاقتى عالىمدار، تانىمال اقىن- جازۋشىلار مەن بەلگىلى تاريحشىلار، جۋرناليستەر مەن مادەنيەت سالاسىنىڭ ماماندارى قاتىستى، دەپ حابارلايدى قازاقپارات ءتىلشىسى.
شارانى وبلىستىق اكىمدىكتىڭ قوعامدىق دامۋ باسقارماسىنىڭ قولداۋىمەن جانە قازاقستان جۋرناليستەر جانە جازۋشىلار وداقتارى تۇركىستان وبلىستىق فيليالدارى ۇيىمداستىردى. ونلاين كونفەرەنتسياعا سەنات پەن ءماجىلىستىڭ، وبلىستىق ءماسليحاتتىڭ دەپۋتاتتارى، اۋدان اكىمدەرى قاتىسىپ، جالپى 300 دەي ادام تۇركىستان وڭىرىندەگى كيەلى جەرلەردىڭ قىر- سىرىنا ءبىرشاما قانىقتى.
شارادا ساكرالدى جەرلەردى جان- جاقتى زەرتتەپ جازىپ، تاريحتىڭ تەرەڭىنە ۇڭىلگەن قازاق ادەبيەتىندەگى كلاسسيك جازۋشىسى مارحابات بايعۇتتىڭ «تۇركىلەر ءتورى تۇركىستان» اتتى كىتابىنىڭ ونلاين تانىستىرىلىمى ءوتتى. كىتاپ ايتۋلى عالىم، ىسكەر باسشى دارحان قىدىرالى تىزگىن ۇستاعان حالىقارالىق تۇركى اكادەمياسىنىڭ قولداۋىمەن جارىق كورگەن بولاتىن. تۇركىستان وبلىسى اكىمىنىڭ ورىنباسارى ساكەن قالقامانوۆ بيىل 75 جاسقا تولعان مەرەيتوي يەسىنە مەملەكەت باسشىسى قاسىم- جومارت توقايەۆتىڭ، وبلىس اكىمى ءومىرزاق شوكەيەۆتىڭ ارنايى قۇتتىقتاۋىن وقىپ بەردى. جازۋشىعا ارنايى تارتۋ- تارالعى ۇسىندى. قازاقستان جۋرناليستەر وداعىنىڭ ءتوراعاسى سەيىتقازى ماتايەۆتىڭ، قازاقستان جازۋشىلار وداعىنىڭ ءتوراعاسى ۇلىقبەك ەسداۋلەتتىڭ، «اۋىل» پارتياسىنىڭ ءتوراعاسى، چەناتور ءالي بەكتايەۆتىڭ، ماجىلىسمەن، «نۇر وتان» فراكتسياسىنىڭ مۇشەسى دارحان مىڭبايدىڭ كونفەرەنتسيانىڭ اشىلۋىمەن جانە مەرەيتويمەن قۇتتىقتاعان حاتتارى تۋرالى ايتىلدى.
ونلاين كونفەرەنتسيادا قاتىسۋشىلار جارىسسوزگە شىعىپ، مارحابات بايعۇتتىڭ كىتاپ تۋرالى پىكىرلەرىن ورتاعا سالدى. قوجا احمەت ياساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ سەنات زالىندا وتكەن القالى جيىندا ۋنيۆەرسيتەتتىڭ رەكتورى بولاتبەك ءابدىراسىلوۆ ءسوز سويلەپ، قۇندى كىتاپتىڭ ماڭىزدىلىعىنا توقتالدى.
جازۋشىنى مەرەيتويىمەن قۇتتىقتاپ، «تۇركىلەر ءتورى تۇركىستاندا» ايتىلعان كيەلى جەرلەرگە بايلانىستى جۇرگىزىلىپ جاتقان زەرتتەۋ جۇمىستارى جايلى جۇرتقا بايانداپ ءوتتى. تالانتتى قالامگەر مارحابات بايعۇتقا جۇرەكجاردى لەبىزىن ءبىلدىرىپ، سىي- سىياپات جاسادى. «تۇركى الەمىنە قىزمەتى ءۇشىن» سىيلىعىنىڭ يەگەرى مارحابات بايعۇتتىڭ بۇل كىتابىن تۇركى اكادەمياسى جارىققا شىعارىپ وتىر. جازۋشى بۇل ەڭبەگىندە تۋعان جەرى تۇركىستان ءوڭىرىنىڭ تاريحىن، تابيعاتىن، دالاسى مەن تاۋلارىن، سايىن دالانىڭ ۇلدارى - داڭقتى تۇلعالار، بيلەۋشىلەر، وزگە دە قايراتكەرلەرىن ارقاۋ ەتىپ، ەسسەلەرگە اينالدىرىپ باياندايدى. سونىمەن قاتار مارحابات اعامىز قوعامداعى ماسەلەلەردى كوتەرىپ، ونى جان- جاقتى زەردەلەي وتىرىپ قامتىعان، تاقىرىبى اۋقىمدى. ءوزىنىڭ ومىردەن كورگەن- تۇيگەنىن اق قاعازعا ءتۇسىرىپ، كەيىنگى ۇرپاققا تۋعان جەردىڭ قاسيەتىن ايتا وتىرىپ، قاستەرلەۋگە ۇيرەتەدى. ءسىزدىڭ تۇركىستان ءوڭىرى تۋرالى جازعان وسى ەڭبەگىڭىزبەن ولكەمىزدىڭ تاريحىنا ۇلكەن ۇلەس قوسىپ وتىرسىز. باسقا ەڭبەكتەرىڭىزدەن ورنى بولەك، وقىرماندارعا عانا ەمەس، تۇركىستانعا ارنايى كەلەتىن شەتەلدىك قوناقتارعا دا بەرەرى كوپ كىتاپ ەكەنى ءسوزسىز»، - دەدى بولاتبەك ءابدىراسىلوۆ.
كونفەرەنسيا سوڭىندا «تۇركىستان تۋرالى جىر» ايتىلىپ، ارنايى دايىندالعان بەينەروليكتەر كورسەتىلدى. جازۋشى دا جيىندى ۇيىمداستىرۋشىلارعا العىسىن جەتكىزىپ، شارانى تۇيىندەدى.
