قاتەرلى ىسىكتەن ساقتايتىن سۋسىن

MedicalXpress مەديتسينا پورتالىندا جاريالانعان زەرتتەۋدە عالىمدار كۇنىنە ەكى نە ءۇش شىنى كوفە ىشكەن ادامنىڭ باۋىر قاتەرلى ىسىگىنە شالدىعۋ قاۋپى 38 پايىزعا ازاياتىنىن ايتادى. ال ءتورت شىنى ىشكەندەردىڭ قاتەرلى اۋرۋعا شالدىعۋى 41 پايىزعا دەيىن تومەندەيدى ەكەن.

زەرتتەۋ توبى 2016 -جىلى باۋىر قاتەرلى ىسىگىنە شالدىققانداردىڭ ستاتيستيكالىق دەرەكتەرىن تالداپ، قايتىس بولعان 240 مىڭ ادامنىڭ ءىشىپ- جەم مالىمەتتەرىن سالىستىرعان كورىنەدى. عالىمدار ناۋقاستاردىڭ كوفە ءىشۋ ادەتىن دە ەسكەرگەن ەكەن.

زەرتتەۋ ناتيجەسىندە جاسالعان مالىمەتتەر ۇلگىسى كورسەتكەندەي، كوفە ءجيى ىشەتىن ادامداردىڭ باۋىر قاتەرلى ىسىگىنەن الشاق بولاتىنى انىقتالدى. عالىمداردىڭ ەسەبىنشە، ەگەر ادامدار كۇنىنە كەم دەگەندە، ەكى شىنى كوفە ىشكەندە، باۋىر ىسىگىنە شالدىققانداردىڭ اراسىنان 452861 ناۋقاستى امان الىپ قالۋعا بولار ەدى. ال كۇنىنە ءتورت شىنى كوفە ىشكەندە، 723287 ادام امان قالادى دەگەن سەنىمدە.

سوندىقتان عالىمدار اۋرۋحانالار مەن ەمحانالاردىڭ تاماق راتسيونىنا كوفە قوسۋ كەرەك دەگەن ويعا كەلگەن.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى