الەكسەي سوي كوروناۆيرۋسقا قارسى ۆاكسينانى ەكتىرۋگە دايىن - باعدات قوجاحمەتوۆ

بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ايتتى، دەپ حابارلايدى قازاقپارات ءتىلشىسى.

«كوروناۆيرۋسقا قارسى دايىندالىپ جاتقان قازاقستانداعى ۆاكسينانىڭ كلينيكالىق سىناعىنا دەنساۋلىق ساقتاۋ مينيسترلىگىنىڭ شەنەۋنىكتەرى قاتىسىپ جاتىر ما؟ ۆاكسينالاۋ كەزىندە مينيستر الەكسەي سوي وزىنە ەكپە سالدىرا ما؟» دەگەن ساۋالدار قويىلدى.

ءوز كەزەگىندە ب. قوجاحمەتوۆ وسى ماسەلەنى مينيسترمەن تالقىلاعانىن اتاپ ءوتتى. «ۆاكسينانىڭ دايىن بولۋى ءۇشىن ءتيىستى مەرزىمدى كۇتۋ كەرەك، جارتى جىلدان كەم ەمەس. ۆاكسينا بارلىق حالىقارالىق سەرتيفيكاتتاۋدان وتكەننەن كەيىن، مينيستر ەكپەنى قابىلداۋعا دايىن ەكەنىن ايتتى. ول دەنساۋلىق ساقتاۋ جۇيەسىنىڭ قىزمەتكەرى بولعاندىقتان، ەكپەنى اقىسىز تۇردە الادى. دەنساۋلىق ساقتاۋ جۇيەسىنىڭ قىزمەتكەرلەرى 200 مىڭنان استام، ولار تاۋەكەل توبىنا ەنىپ وتىر»، - دەدى رەسمي وكىل.

«ال ونىڭ (ءمينيستردىڭ) وتباسىنا جانە كەز كەلگەن مەديتسينا قىزمەتكەرىنىڭ وتباسى مۇشەلەرى ۆاكسينانى ءوزىنىڭ قارجىسىنا ساتىپ الادى»، - دەدى ول.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى