ەلوردانىڭ قۇرمەتتى پەداگوگى مەدالىنىڭ يەگەرىنە قوماقتى قارجى بەرىلەدى

بۇل تۋرالى پەداگوگيكا قىزمەتكەرلەرىنىڭ تامىز كەڭەسىندە ەلوردا اكىمى التاي كولگىنوۆ ايتتى، دەپ حابارلايدى قازاقپارات ءتىلشىسى.

«مەملەكەت باسشىلىعى مۇعالىمدەردىڭ جاعدايىن جاقسارتۋعا ەرەكشە كوڭىل بولەدى. «پەداگوگ مارتەبەسى تۋرالى» زاڭ قابىلداندى. بيىلعى جىلدىڭ 1 قاڭتارىنان باستاپ مۇعالىمدەردىڭ جالاقىسى 25 پايىزعا ارتتى. بىلتىر ءبىز ءوز تاراپىمىزدان تۇرعىن ءۇي ساتىپ الۋ ءۇشىن الەۋمەتتىك جاردەماقى تۇرىندە 1 ملن تەڭگە سوماسىنا وتەۋسىز نەگىزدە 275 تۇرعىن ءۇي سەرتيفيكاتىن بولدىك. وسى جىلى دا مۇعالىمدەردىڭ تۇرعىن ءۇي جاعدايىن جاقسارتۋعا كومەكتەسەمىز»، - دەدى ول.

ەلوردا اكىمى بيىل «قازاقستاندىق يپوتەكالىق ۇيىممەن» بىرلەسىپ 1 مىڭ الەۋمەتتىك پاتەر سالۋ تۋرالى كەلىسىمگە قول قويىلعانىن اتاپ ءوتتى.

«بۇل باسپاناعا مۇعالىمدەردەن باسقا مەديتسينا قىزمەتكەرلەرى، پوليتسەيلەر، الەۋمەتتىك قىزمەتكەرلەر، مادەنيەت جانە سپورت قايراتكەرلەرى دە ۇمىتكەر بولا الادى»، - دەدى ول. ونىڭ اتاپ وتۋىنشە، بىلتىر جۇمىسىن ەندى باستاعان مۇعالىمدەردى قولداۋ ءۇشىن 350 ورىندىق جاس پەداگوگتەر ءۇيى سالىندى.

مۇنان بولەك، قالا اكىمدىگى مۇعالىمدەردىڭ كاسىبي دامۋىنا نازار اۋدارادى. ماسەلەن، «Ozat» جوباسىن ىسكە اسىرۋ اياسىندا مەكتەپتەر مەن كوللەدجدەردىڭ 400 مۇعالىمى РІЅА تاپسىرمالارىنا ءبىلىم الۋشىلاردى دايارلاۋ بويىنشا بىلىكتىلىكتى ارتتىرۋ كۋرستارىندا وقۋدان ءوتتى. كەمبريدج ۋنيۆەرسيتەتىمەن بىرلەسىپ SHARE جوباسى ىسكە قوسىلدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى