نۇر- سۇلتاندا بوس جاتقان جەرلەرگە ۇلكەن اۋلالار مەن ساياباقتار سالىنۋدا
بۇل تۋرالى ول ءوزىنىڭ ينستاگرامداعى پاراقشاسىندا جازدى، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.
«ەلدى مەكەندەردەگى شارۋاشىلىق جۇمىستاردى جالعاستىرىپ جاتىرمىز. اباتتاندىرۋدى قاجەت ەتەتىن جەرلەرگە تۇرعىندارعا اسا قاجەتى ۇلكەن اۋلالار، ساياباقتار مەن جايلى تىنىمباقتار سالىنۋدا. بۇگىنگى كەشكىلىك ۋاقىتتا قالا شەتىندەگى ەلدى مەكەننىڭ ءبىرى وندىرىستە (لەسوزاۆود) جۇرگىزىلىپ جاتقان جۇمىستاردى قاداعالاپ كەلدىم. اقبيداي كوشەسى، 11 مەكەنجايىندا قازىر فۋتبول الاڭى بار اۋلا جاسالدى. بۇل بالالارعا دا، اعا بۋىن ءۇشىن دە ىڭعايلى بولادى. تايبۋرىل، 9ا كوشەسىنىڭ اۋماعىندا شاعىن ساياباق اشىلدى. مۇندا 1950 -جىلى سالىنعان جاپسارلاس ۇيلەر بولدى. اۋماق بىرنەشە ايماققا ءبولىندى: سپورتتىق ترەناجەرلەر ايماعى، بالالارعا ارنالعان ويىن الاڭى جانە فۋتبول/باسكەتبول الاڭى. اۋلا اۋماقتارى مەن قوعامدىق ورىندى اباتتاندىرۋ كەزىندە كوگالداندىرۋعا ەرەكشە نازار اۋدارامىز. ەگىلگەن تال- تەرەكتەردىڭ ساياسى ىستىق كۇندەرى تۇرعىنداردىڭ دەمالۋىنا جايلى بولماق. تاعى ءبىر جاڭالىق، بۇل جەرگە تۇرعىنداردىڭ ءوتىنىشى بويىنشا جىلى ايالداما ورناتىلدى. سونىمەن قاتار، پرەزيدەنتتىڭ تاپسىرماسىنا سايكەس ءوندىرىس ەلدى مەكەنىندە №23 وقۋ ورنىنىڭ اۋماعىندا مەكتەپتىڭ جاڭا كورپۋسىنىڭ قۇرىلىسى باستالدى. ەڭسەلى دەنە شىنىقتىرۋ- ساۋىقتىرۋ كەشەنىنىڭ قۇرىلىسىن جۇرگىزىپ جاتىرمىز. №49 مەكتەبىندە كۇردەلى جوندەۋ جۇرگىزەمىز. كەزدەسۋ بارىسىندا ءوندىرىس ەلدى مەكەنىنىڭ تۇرعىندارى ءبىرقاتار ماسەلە كوتەردى. ولاردى جوسپارىمىزعا بەكىتتىك»، - دەپ جازدى التاي كولگىنوۆ.
جالپى، بيىل 150 اۋلا مەن 50 قوعامدىق كەڭىستىك (ساياباقتار، سكۆەرلەر، بۋلۆارلار) اباتتاندىرىلادى.
