گەرمانيادان گۋمانيتارلىق كومەك جونەلتكەن ازامات قازاقستاننىڭ وڭتۇستىگىندە تۋىپ وسكەن

تۋعان جەرگە بۇيرەگى بۇرىپ تۇراتىن كاسىپكەر وسىنداي قىسىلتاياڭ كەزەڭدە كومەك قولىن سوزۋدى ءجون كورگەن. مىنا كادردا تۋعان جەرگە ارنالعان «سالەمدەمەنى» دايىنداپ جاتىر. قۇنى 100000 ەۋرودان اساتىن مەديتسينالىق جابدىقتاردى بۋىپ- ءتۇيىپ، كولىككە تيەيدى. قوراپتاردا دارىگەرلەرگە ارنالعان قورعانىس قۇرالدارى بار. 1991 -جىلى اشىلعان كومپانيا 2005 -جىلدان باستاپ، قازاقستانمەن ارىپتەستىك ورناتقان. جالپى كاسىپورىن امەريكادان باستاپ، الەمنىڭ 70 ەلىنە ءونىمىن جەتكىزەدى.

ميحاەل فوگت، «Vogt Medical» كومپانياسىنىڭ باس ديرەكتورى:

- قازىرگى تاڭدا قازاقستانعا ءبىز شىعاراتىن ونىمدەر وتە قاجەت. سوندىقتان ماعان وسىنداي وي كەلدى. دەنساۋلىق ساقتاۋ مينيسترلىگى مەن گەرمانيانىڭ فرانكفۋرت قالاسىنداعى باس كونسۋلدىقتىڭ كومەگىمەن وسى جۇكتى جىبەرىپ وتىرمىز. شامامەن 80 تەكشە مەتر كولەمىندە مەديتسينالىق جابدىق بار. ءوزىم قازاقستاندا تۋعاندىقتان ول ەلدىڭ تاعدىرىنا الاڭدايمىن.

كومپانيا جىبەرگەن كومەك ەلورداعا جەتىپ، ونى «س ق- فارماتسيا» قابىلداپ الدى. ءبىر رەتتىك مەديتسينالىق قورعانىس جابدىقتارى ينفەكتسيالىق جانە باسقا دا اۋرۋحانالارعا تاراتىلادى.

ميرجان ءابۋوۆ، «Vogt Medical» كومپانياسىنىڭ قازاقستانداعى وكىلى:

- «Vogt Medical» كومپانياسىنىڭ اتىنان وسى پاندەمياعا بايلانىستى كومەك كەلىپ جەتتى. شپريتستەر بار، پەرچاتكالار بار، بۇكىل اۋرۋحاناعا كەرەكتى قازىرگى احۋالعا بايلانىستى كەرەك زاتتىڭ ءبارى ىشىندە جەتكىلىكتى. بەس توننا ىشىندەگى مەديكامەنتتەر. كاسىپورىن قازاقستانمەن ارىپتەستىكتى ودان ءارى نىعايتۋعا مۇددەلى.

قازىر ءبىرقاتار جاڭا جوبانى ىسكە اسىرىپ جاتىر. مىسالى، سيفرلىق دياگنوستيكا سالاسىنا قاجەتتى راديولوگيالىق رەنتگەن قۇرىلعىلارىن جاساي باستادى. ساپا مەن قاۋىپسىزدىكتى ءبىرىنشى كەزەككە قوياتىن كومپانيانىڭ ونىمىنە سۇرانىس جوعارى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى