ءدارىنى شىرىنمەن ءىشۋدىڭ زيانى
ونى كەيدە شىرىنعا اينالدىرىپ تا ىشەمىز. ودان ونىڭ قۇنارى مەن ءنارى جوعالىپ كەتپەيدى.
الايدا ءدارى ىشەردە گرەيپفرۋتتىڭ ءوزىن جەۋگە، شىرىنىن ىشۋدەن بارىنشا ساقتانعانى ابزال. ولاي ەتپەسە، ءدارىنىڭ ادام اعزاسىنا اسەرى بولماي قالۋى مۇمكىن. ءتىپتى ۋلانىپ قالۋى دا مۇمكىن.
ادامنىڭ باۋىرى مەن ىشەگىندە زات الماسۋعا قاتىساتىنСYP3A4 فەرمەنتى بولادى. ول اعزاعا تۇسكەن دارىلىك زاتتاردى قورىتۋعا نە شىعارىپ تاستاۋعا دا قاتىسادى. ال گرەيپفرۋتتىڭ قۇرامىنداعى بەلسەندى زات - فۋرانوكۋمارين وسى فەرمەنتپەن رەاكتسياعا ءتۇسىپ، ونىڭ جۇمىسىن كۇشەيتىپ نە السىرەتىپ جىبەرۋى مۇمكىن. فەرمەنت كۇشەيىپ كەتسە، ادام اعزاسىندا ءدارى قالدىقتارى جيناقتالىپ قالادى. ال السىرەسە، ءدارىنىڭ ادامعا پايداسى بولماي قالۋى ىقتيمال.
جالپى فۋرانوكۋمارين ادام اعزاسىنا تۇسكەننەن كەيىن 72 ساعات بويى «ءومىر سۇرەدى». سوندىقتان ءدارى ءىشىپ جۇرگەندە مۇلدەم گرەيپفرۋت جەمەگەن ءجون.
