اسحات ايماعامبەتوۆ ءبىلىم سالاسىنا ەنگىزىلەتىن جاڭا جوبا جايىندا ايتتى
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
قازىرگى ۋاقىتتا ءبىلىم بەرۋدىڭ بارلىق دەڭگەيىندە تاربيەلىك كومپونەنتتى تولىقتىرۋ مىندەتى تۇر. سوندىقتان ءبىز «قۇندىلىقتارعا نەگىزدەلگەن ءبىلىم بەرۋ» جوباسىن ازىرلەدىك جانە ول جاڭا وقۋ جىلىنان باستاپ ەنگىزىلەدى. بۇل جوبانى ءبىز بيىلعى وقۋ جىلىنان باستاپ بارلىق ءبىلىم بەرۋ ۇيىمدارىندا ەنگىزەتىن بولامىز. بۇل وتە ماڭىزدى. ءال- فارابي: «تاربيەسىز بەرىلگەن ءبىلىم ادامزاتتىڭ قاس جاۋى» دەگەندەي تاربيە جۇمىسىن قولعا الىپ، ونى جاڭا فورماتتا جۇرگىزۋ وتە ماڭىزدى بولىپ تۇر» ، - دەدى مينيستر پەداگوگتار مەن ءبىلىم جانە عىلىم سالاسى قىزمەتكەرلەرىنىڭ رەسپۋبليكالىق تامىز كەڭەسى بارىسىندا.
ونىڭ اتاپ وتۋىنشە، بۇل جوبا وقۋشىلار، ستۋدەنتتەر پارلامەنتى قىزمەتىن جەتىلدىرە ءتۇسۋى ءتيىس. سونىمەن قاتار ءبىلىم بەرۋدىڭ بارلىق دەڭگەيىندە «جاس ۇلان» ، «جاس قىران» قوزعالىستارىن دامىتۋ جالعاسا بەرەتىن بولادى.
