مەملەكەتتىك ورگاندار ساتىپ الاتىن قىزمەتتىك كولىكتەردىڭ ورتاشا قۇنى قانداي

ونى ق ر قارجى مينيسترلىگى مەملەكەتتىك ساتىپ الۋلار زاڭناماسى دەپارتامەنتىنىڭ ديرەكتورى ءسابيت احمەتوۆ جاريا ەتتى، دەپ حابارلايدى قازاقپارات ءتىلشىسى.

«جەڭىل اۆتوموبيلدەردىڭ ورتاشا قۇنى 4,6 ميلليون تەڭگەنى قۇرايدى. بۇل ادەتتە ورتا ساناتتاعى، «B « ساناتىنداعى كولىكتەر بولىپ كەلەدى. بيىل مەملەكەت باسشىسىنىڭ تىيىم سالۋىنا بايلانىستى تۋىنداعان شەكتەۋلەرگە وراي اۆتوكولىك ساتىپ الۋ وتكەن جىلعا قاراعاندا ءۇش ەسەگە قىسقاردى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

دەپارتامەنت باسشىسىنىڭ اتاپ وتۋىنشە، 2019 -جىلى مەملەكەتتىك ساتىپ الۋلار اياسىندا 4,5 مىڭ اۆتوكولىك قۇرالى ساتىپ الىنعان.

«ونىڭ ىشىندە شامامەن 15 ميلليارد تەڭگە جەڭىل اۆتوكولىك ساتىپ الۋعا جۇمسالعان. قالعانى كوممۋنالدىق قىزمەتكە ارنالعان ارنايى تەحنيكالاردى، ياعني تراكتور، بۋلدوزەر، تازالىققا ارنالعان كولىك قۇرالدارىن ساتىپ الۋمەن بايلانىستى»، - دەدى احمەتوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى