بەلارۋستە بيلىكتى باسىپ الۋعا ۇندەگەندەر ۇستىنەن قىلمىستىق ءىس قوزعالدى

«ۇيلەستىرۋ توبىن قۇرۋ جانە ونىڭ قىزمەتى مەملەكەتتىك بيلىكتى باسىپ الۋعا باعىتتالعان. سونداي-اق، ول بەلارۋس رەسپۋبليكاسىنىڭ ۇلتتىق قاۋىپسىزدىگىنە نۇقسان كەلتىرۋدى كوزدەيدى. بۇل فاكتى بويىنشا قىلمىستىق كودەكستىڭ 361- بابى بويىنشا («بەلارۋس رەسپۋبليكاسىنىڭ ۇلتتىق قاۋىپسىزدىگىنە نۇقسان كەلتىرۋگە باعىتتالعان ءىس-ارەكەتتەرگە شاقىرۋ») قىلمىستىق ءىس قوزعالدى»، - دەيدى بەلارۋستىڭ باس پروكۋرورى الەكساندر كونيۋك جۋرناليستەرگە.

ارنايى ۇيلەستىرۋ توبى پرەزيدەنتتىككە ۇمىتكەر سۆەتلانا تيحانوۆسكايانىڭ باستاماسى بويىنشا قۇرىلعان بولاتىن. 19- تامىزدا كەڭەس قۇرىلىپ، ءتورالقا مۇشەلەرى سايلاندى. سونىمەن قاتار، جيىندا قارار قابىلداندى. ناتيجەسىندە ۇيلەستىرۋ توبىنىڭ ءتورالقا مۇشەلىگىنە سۆەتلانا الەكسيەۆيچ، ليليا ۆلاسوۆا، سەرگەي دىليەۆسكي، ماكسيم زناك، ولگا كوۆالكوۆا، ماريا كولەسنيكوۆا، پاۆەل لاتۋشكو كىردى.

ايتا كەتەيىك، 9- تامىزدا بەلارۋستە پرەزيدەنت سايلاۋى ءوتىپ، سوڭى تارتىپسىزدىكتەرگە ۇلاسقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى