قاسىم- جومارت توقايەۆ: قوجا احمەت ياساۋي كەسەنەسىنىڭ تۋريستىك الەۋەتى زور
«تۇركىستاندا كۇللى تۇركىنىڭ رۋحاني ۇستازى قوجا احمەت ياساۋي كەسەنەسىن قايتا قالپىنا كەلتىرۋ جۇمىستارىمەن تانىسىپ شىقتىم. يۋنەسكو- نىڭ الەمدىك مۇرالارىنىڭ تىزىمىنە ەنگەن ورتا عاسىرلىق ساۋلەت ەسكەرتكىشىنىڭ تۋريستىك الەۋەتى زور»، - دەپ جازدى پرەزيدەنت ءوزىنىڭ Twitter- دەگى پاراقشاسىندا.
ايتا كەتەيىك، مەملەكەت باسشىسى بۇگىن جۇمىس ساپارىمەن تۇركىستان وبلىسىنا باردى. پرەزيدەنت ساپارىن ساردوبا سۋ قويماسىنداعى اپاتتان زارداپ شەككەن تۇرعىندار ءۇشىن مىرزاكەنت اۋىلىندا سالىنىپ جاتقان جاڭا ىقشاماۋداننىڭ قۇرىلىسىمەن تانىسۋدان باستادى. سونداي- اق مەملەكەت باسشىسى ارىس قالاسىنداعى اسكەري پوليگونعا باردى. كەيىنىرەك ارىس قالاسىن قالپىنا كەلتىرۋ جۇمىستارىمەن جانە تۇركىستان قالاسىنداعى «ساپار ورتالىعىنىڭ» جۇمىسىمەن تانىستى.
