تەمەكى ساتىپ العاندا قۇجات كورسەتۋ كەرەك پە
ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا مينيستردەن ق ر حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسىنە ەنگىزىلگەن كەيبىر وزگەرتۋلەردەن كەيىن تەمەكى ساتىپ الۋ كەزىندە ساتىپ الۋشى قانداي ارەكەتتەر جاساۋى ءتيىس ەكەندىگى سۇرالدى.
«كودەكسكە تەمەكى مەن الكوگولدىك ىشىمدىكتى ساتىپ الاتىنداردى ازايتۋعا ىقپال ەتۋ بويىنشا شارالارعا بايلانىستى وزگەرتۋلەر ەنگىزىلدى. اسىرەسە، كامەلەتكە تولماعانداردى وسى ونىمنەن شەتتەتۋ ەسكەرىلگەن. سوندىقتان ءتيىستى نورما پايدا بولدى. جوعارى دەڭگەيدەگى زاڭنامالىق اكتىلەرگە ەنگىزىلگەن كەز كەلگەن وزگەرىستەر جالپى سيپاتقا يە، ال كەيىننەن زاڭعا تاۋەلدى نورماتيۆتىك قۇقىقتىق اكتىلەر (ۇكىمەت قاۋلىسى مەن مينيسترلىكتەر بۇيرىقتارى) تۇسىنىكتەمەلىك ءارى ناقتىلاۋشى سيپاتتا بولادى. وسى ورايدا ءبىزدىڭ بۇيرىققا وزگەرتۋلەر ەنگىزۋ بويىنشا جۇمىستى اتقاردىق، ياعني بۇل قادامدار ساتۋشىلارعا وسى نورمانى پايدالانۋدىڭ ءمان- جايىن ءتۇسىندىرۋ ءۇشىن ىسكە اسىرىلدى. سايكەسىنشە، ساتۋشىلارعا ناقتى ءتۇسىندىرۋ شارالارى جاسالدى. جەكە كۋالىك ساتىپ الۋشىنىڭ جاسىنا قاتىستى كۇمان بولعاندا عانا تالاپ ەتىلەدى»، - دەدى باقىت سۇلتانوۆ.
ايتا كەتەيىك، جاقىندا ساۋدا مينيسترلىگى الكوگول مەن تەمەكى ءونىمىن ساتۋعا قاتىستى ىشكى ساۋدا ەرەجەلەرىنە وزگەرىس ەنگىزدى، الكوگول مەن تەمەكىنى ساتىپ الۋشىنىڭ 21 جاسقا تولعانىنا ساتۋشىنىڭ كۇمانى بولعان جاعدايدا عانا جەكە باسىن كۋالاندىراتىن قۇجاتتى تالاپ ەتەدى.
